تورکیه مطبوعاتیدن خلاصه لر 08.11.2019

خبرتورک روزنامه سی, تورکیه جمهوریتی ایکینچیلیک و اورمان وزیرلیگی نینگ 28 اوکتوبرده اعلان قیلگن 11 میلیون کوچت ایکیلیشی بوییچه کمپاینی نینگ کتته قیزیقیش بیلن کوتیب آلینگن لیگی نی بیلدیرماقده. 

خبرده, هدف قیلینگن 11 میلیون لیک بیر رقم نینگ قیسقه بیر مدت مابینیده 12 میلیون 915 مینگ 319 گه کوتریلیب کیتگن لیگی ایسله تیلماقده. 

روزنامه, تورکیه جمهوریتی جمهوررئیسی رجب طیب اردوغان نینگ, انسان لر نی 11 نوامبر کونی ساعت 11:11 ده تورکیه نینگ همه جاییده بیر وقت نینگ اوزیده کوچت ایکیش گه چقیرگن لیگی نی یازماقده. 

ینی شفق روزنامه سی, تورکیه نینگ ملی پیلوت سیز طیاره سیدن عبارت انکا نینگ بیر کون دن آرتیق بیر مدت بیلن اوچگن لیگی نی بیلدیرماقده. 

خبرده, 26 ساعت 30 دقیقه لیک بیر مدت بیلن اوچیش گه قادر بولگن انکا نینگ, کیچه, کوندوز و یامان هوا شرایطیده اوچیب کشف, تعقیب, ثابت/متحرک هدف لرنی انیقلش و بیر وقت نینگ اوزیده تصویر آلیب یوباریش قابلیتی گه ایگه ایکن لیگی ایسله تیلماقده. 

ستار روزنامه سی, امریکا قوشمه ایالتلری مدافعه وزیرلیگی نینگ سکرتری اللن ام لورد نینگ, یقینده تورکیه نینگ روسیه دن ساتیب آلگن اس- 400 هوا مدافعه سیستم لری دن فایده له نیب منطقه ده گی اوچاق لرنی تعقیب ایتیش امکانیتی گه ایگه بوله دیگن لیگی نی بیلدیرگن لیگی نی یازماقده. 

خبرده, لورد نینگ پنتاگون ده بولیب اوتگن مطبوعاتی کنفرانسی جریانیده بیریلگن سئوال لر گه جواب قیترگن لیگی بیلدیریلماقده. 

روزنامه, لورد نینگ, تورکیه نینگ جاری ییل نینگ سونگگی گه قدر اس – 400 هوا مدافعه سیستم لری نی فعال بیر وضعیت گه کیتیریشی نی کوتیاتگن لیک لری نی بیلدیرگن لیگی نی معلوم قیلماقده. 

صباح روزنامه سی, اوروپا بیرلیگی نینگ, 2019- ییلی خزان موسمی اقتصادی تخمین لر راپوریده, اوتگن ییلده یوز بیرگن اسعار بحرانی گه قره می مالی تشویق لر و صادرات میزانی نینگ آرتیب کیتگن لیگی سببلی تورکیه نینگ اقتصادی وضعیتی نینگ جاری ییلده یخشی لشگن لیگی نینگ بیلدیرگن لیگی گه دقت قره تماقده. 

خبرده, اوشبو راپورده, تورکیه نینگ اقتصادی کوچی نینگ 2020 – ییلده 3,1 و 2021 – ییلده ایسه 3,5 فایز مقیاسیده آرتیب کیتیشی نینگ کوتیلیاتگن لیگی نینگ بیلدیریلگن لیگی ایسله تیلماقده. 

حریت روزنامه سی, تورکیه ده میلیونر لر سانی نینگ جاری ییل نینگ اکتوبر آیی نینگ سونگگیده 206 مینگ 889 نفر گه کوتریلیب کیتگن لیگی نی بیلدیرماقده. 

خبرده, اوشبو میلیونر لرنینگ توپلم سرمایه سی نینگ 1 تریلیون 255 میلیارد 273 میلیون تورک لیره سی دن عبارت ایکن لیگی معلوم قیلینماقده.