تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
صباح روزنامهسی: « عراق نینگ شِمالیگه هوا عملیاتی»
عراق نینگ شِمالیگه توناون اویوشتیریلگن هوا عملیاتی نتیجهسیده بولووچی ترور تشکیلاتی پی کاکا تامانیدن فایدهلنگن مولجللر یوق قیلیندی.
ملي مدافعه وزیرلیگی تویتر صحیفهسیدن بیرگن بیاناتده،
« عراق نینگ شِمالی زب، اواشین- باسیان، هاکورک و قندیل حدودیگه اویوشتیرگن هوا عملیاتی نتیجهسیده، بولووچی ترور تشکیلاتی پی کاکا تامانیدن قورال، موضع، باشپناه و مهمات دیپوسی صفتیده فایدهلنگن جایلر یوق قیلیندی "، دیب ایتیلگن.
وطن روزنامه سی: « THY تاریخي کوچدن کیین یولاوچی سانی 1 میلیوننی آشدی» THY باشلیغی بلال ایکشی، بویوک کوچدن کیین ینگی مرکزلری بولگن استانبول قونلغه سیده کوتیب آلینگن یولاوچی سانینی معلوم قیلدی. ایکشی، « بویوک کوچدن کیین THY صفتیده قونیش- پرواز 4 مینگ 862 دفعه ده توپلم 841 مینگ 915 یولاوچیگه خدمت قیلدیک. توناونکی یولاوچیلریمیز بیلن 1 میلیوننی آرتده قالدیردیک. یخشی بولیاپتی ینه یخشی بولهدی»، دیدی.
ستار روزنامه سی: « سیاحلر 2017- ییلیده تورکيهده 22،5 میلیارد دالر خرچلهدی»
کاناداده جایلشگن Visual Capitalist شرکتی خارجي سیاحلر نینگ اینگ کوپ صرفلهگن دولتلرینی تیکشیریب چیقدی. تدقیقات معلوماتلریگه کوره خارجي سیاحلر 2017- ییلیده تورکيهده 22،5 میلیارد دالر صفلهگنی کوریلدی.
حریت روزنامه سی: «بختلی شهر سینوپ، 1 میلیون سیاح مقصدینی یوکسهلتیردی»
تورکيه استاتیستیک تشکیلاتی 2014- ییلی و 2016 ییلی تدقیقاتلریگه کوره، سینوپ تورکيه نینگ اینگ بختلی شهری دیب انیقلندی و اوتگن ییل 1 میلیون کیشی زیارت ایتگن سینوپگه بو موسوم کیلگن دستلبکی سیاح قافیلهسی گه گُللر بیریب کوتیب آلیندی. سیاحلر، سینوپ نینگ طبیعتینی و تاریخي مکانلری بیلن قیزیققنلرینی معلوم قیلماقده. سینوپ دینگیزی، قوملری، هامسیلوس طبیعت پارکی، تاتلیجه فوارهسی کبی طبيعي گوزللیکلری بیلن مشهور سینوپ قماقخانهسی، قازوو ایشلری دوام ایتگن بالاتلر قوریلیش جمعیتی و قایه قبرلری بیلن هم دقّتلرنی جلب ایتماقده.
یینی شفق روزنامه سی: « Galataport دنیاگه تنیتیلدی».
یکونلنگندن کیین ییلده پرسونل بیلن 1.5 میلیون یولاوچیگه خدمت بیرهدیگن استانبول نینگ یگانه بندری Galataport، Seatrade Cruise Global 2019 گه بیر غرفه بیلن اشتراک ایتیب دنیا نینگ اینگ مهم کرووازيیر شرکتلری نینگ علاقهسینی استانبولگه قرهتدی. 113 اولکهدن 643 اشتراکچی و 11 مینگ ییتکزیب بیرووچی و خریدارلر اورین آلگن کورگزمهده، دنیانینگ اینگ ییریک کمپنیلریگه استانبول 2020 ییلی مارچ آییده خدمتگه آچیلهدیگن Galataport استانبول کرووازيیر بندری تنیتیلدی.