تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
وطن روزنامه سی: دولت باشلیغی ایردوغان، «هدفیمیز 100 میلیارد دالر» دیدی.
دولت باشلیغی رجب طیب ایردوغان بیلن روسیه دولت رهبری ولادیمیر پوتین مسکودهگی سکّیزینچی عالي درجهلی همکارلیک کینگشی ییغیلیشیده نطق سوزلهدی. دولت باشلیغی ایردوغان مذکور نطقیده، «ایکّله مملکت نینگ سودا حجمینی 100 میلیارد دالرگه چیقریش نیتیدهمیز» دیدی. پوتین ایسه، «کون ترتیبیمیزده حربي-تخنیکي همکارلیک بیلن بیرگه S-400 تیزیملری نینگ تورکيهگه ییتکزیب بیریلیش مسألهلرینی تماملش ریجهلری اورین آلگن» دیب ایتدی.
خبر تورک روزنامه سی: تورکيه لیبیا بیلن تیگیشلی بیانات: وضعیتدن کتته خواطرده میز. تورکيه لیبیا پایتختی ترابلس گه قرشی قول اوریلگن حربي عملیات نتیجهسیده پیدا بولگن وضعیتدن خواطرده ایکنلیگینی بیلگیلب اوتگن حالده، تامانلرنی آغیر بولیشلیککه چقیردی. تشقی ایشلر وزیرلیگی تامانیدن موضوع حقیده بیریلگن بیاناتده، «تیزلیک بیلن تینچلیک نینگ اورنهتیلیشی اوچون احتیاطکار و عقل سلیم بولینیشی شرط. بیرلشگن ملتلر تشکیلاتی باش منشیسی بیلن تشکیلات نینگ لیبیا خاص نماینده سی نینگ مملکتدهگی تینچلیکنی یولگه قوییش اوچون آلیب بارگن فعالیتلرینی بوتونلهی قوللب-قوّتلهگن تورکيه، برچه خلقارا جمعیتتنی هم بو بارهده بیر یاقهدن باش، بیر یینگدن قول چیقریشی مهم اهمیت کسب ایتهدی» دیگن افادهلرگه اورین بیریلدی.
حريت روزنامه سی: کپه دوکیاده توریزم موسمی بو ییل ایرته باشلهدی. کپه دوکیاده ییل نینگ بیرینچی چایرهگیدهگی سیاحلر سانی، اوتگن ییل نینگ شو دوریگه نسبتاً 14.5 فایزگه آرتگن حالده، 440 مینگ 686 نفرگه ییتدی. تورکيه نینگ طبيعي، تاریخي و مدني توریزمیده مهم اورینگه ایگه بولگن کپه دوکیا بو ییل نینگ بیرینچی چایرهگیده آلدینگی ییللرگه نسبتاً سیاحلر تامانیدن ینه-ده کوپراق تنلنگن مکانلردن بیری بولدی.
صباح روزنامه سی: چین لیکلر نینگ گوبیکلی تیپهگه بولگن قیزیقیشی بارگن سری ینه-ده آرتیب بارماقده. چین لیکلر نینگ تورکيه نینگ شانلی اورفا ولایتیده جایلشگن و بیرلشگن ملتلر تشکیلاتی نینگ تعلیم، فن و مدنیت ساحهسیدهگی تشکیلاتی یونسکو نینگ جهان میراثی رویخطیده اورین آلگن گوبیکلی تیپهگه بولگن قیزیقیشی بارگن سری آرتیب بارماقده. ولایت نینگ مدنیت و توریزم باشلیغی آیدین اسلان حاضرده چین نینگ اینگ ییریک ایکّیته تیلویزیون کانالی تامانیدن گوبیکلی تیپه حقیده دستور تیارلنگنلیگینی قید ایتدی. اسلان شونینگدیک، دولت باشلیغی رجب طیب ایردوغان تامانیدن 2019-ییل نینگ، «گوبیکلی تیپه ییلی» دیب اعلان قیلینیشی آرتیدن هم مملکتده، هم چیت ایلده گوبیکلی تیپه نینگ تنیتیلیشی نینگ جدّي روشده قوللب-قوّتلنگنلیگینی اوز سوزیگه علاوه ایتدی.
ستار روزنامه سی: تورک ساختمان ترماغی قطردهگی نمایشده اشتراک ایتهدی. قطرده ساختمان ترماغی بوییچه اویوشتیریلگن خلقارا ساختمان تکنالوژيسی، ساختمان ماتریاللری، اسکونهلر و اطراف-محیط تکنالوژيلری خلقارا سودا نمایشی (Project Qatar) تورک شرکتلری اشتراکیده اوتکزیلهدی. شو ییل نینگ 29-اپریلیدن 1-می گچه دوام ایتهدیگن نمایشده تورکيه اوچته صادراتچی اویوشمهسی بیلن اورین آلهدی.