تورکیه نینگ مطبوعات خلاصه لری
تورکیه نینگ مطبوعات خلاصه لری
تورکیه نینگ مطبوعات خلاصه لری
خبر تورک روزنامه سی: «تورکيه S-400 تیزیمیدن واز کیچمه‌یدی»
تورکيه تشقی ایشلر وزیری مولود چا‌ووش اوغلی تورکيه روسیه‌دن خرید قیلیب آلینه‌دیگن S-400 تیزیملری بوییچه امضالنگن شرطنامه‌دن واز کیچمسلیگینی معلوم قیلدی. S-400 هوا مدافعه راکت تیزیملری F -35 حربی اوچاقلری و باشقه ناتو تیزیملرینی دشمن صفتیده کورمسلیگینی معلوم قیلگن چا‌ووش اوغلی، تورکيه نینگ روسیه‌دن S-400 نی خرید قیلیشی ناتوگه کتّه خوف سالمسلیگینی بیلدیردی.
ستار روزنامه‌سی: «آلمان انرژی بوییچه تورکيه بیلن همکارلیک قیلیشنی خواهله‌یدی» سرلوحه‌سی بیلن بیرگن خبرگه کوره، آلمان اقتصادی و انرژی وزیرلیگی مستشاری اولیویر ویتکی Oliver Wittke معلوم قیلیشیچه، آلمان تورکيه نینگ اینگ مهم اقتصادي همکاری ایکنلیگینی تأکیدله‌دی. تورکيه‌ده قَیته ایشلب چیقریله‌دیگن انرژی آخرگی پیتلرده تیز-تیز کون ترتیبگه کیله باشله‌گنلیگینی معلوم قیلگن اولیویر ویتکی: «تورکيه بیلن انرژی ساحه‌سیده ینه هم یقیندن همکارلیک قیلیشنی خواهله‌یمیز»،دیدی. تورکيه بیلن اروپا اتفاقی اورته‌سیده‌گی گمرک بیرلیگی شرطنامه‌سینی قَیته ینگیلش کون ترتیبگه تورگنلیگینی بیلدیرگن اولیویر ویتکی: «اروپا اتفاقی جماعه‌سی بیلن بونی محاکمه قیلیه‌پمیز. بو ییرده ایکّی تامان نینگ حرکت قیلیشی بیلن ایرکین سوداده یخشی نتیجه‌لرنی قولگه کیریتیش ممکن. تورکيه‌ده‌گی همکارلریمیز بیلن بونی محاکمه قیلیه‌پمیز»،دیدی.
صباح روزنامه‌سی: «روسیه بیلن سوداده کوزلنگن مقصد 100 میلیارد دالر»
تورکيه و روسیه اقتصادي مناسبتلرنی رواجلنتیریش یولیده ینه بیر ریجه‌نی عملگه آشیرماقده.
تورکيه جولای آییده روسیه نینگ یکه‌تیرینبورگ شهریده اوتکزیله‌دیگن INNOPROM صناعت کورگزمه‌سیگه همکار دولت صفتیده قتنه‌شه‌دی.
ایکّی دولت اورته‌سیده‌گی اوزارا سودا حجمی 25.7 میلیارد دالرگه ییتدی. مقصد بونی 100 میلیارد دالرگه چیقریشدیر. شو بیلن بیرگه، ایکّی دولت مشترک تشقی سودا ریجه‌سینی ایشلب چیقه‌دی.
یینی شفق روزنامه‌سی: «خلق‌ارا کفش کورگزمه‌سی آچیلدی» سرلوحه‌سی بیلن بیرگن خبرگه کوره، استانبول نینگ ییشیلکویده 61- کفش کورگزمه‌سی اوز ایشینی باشله‌دی.
مذکور کورگزمه‌ده 60 دن آرتیق دولتدن کوپراق اشتراک ایتماقده.
چیت ایللیکلر کورگزمه‌ده اساسن قول محنتی بیلن تیکیلگن کفشلرگه کتّه قیزیقیش کورسه‌تماقده. کورگزمه 6 اپریلگه قدَر دوام ایته‌دی.
حریت روزنامه‌سی: «تورکيه نینگ قوش جنتی توریزمگه خدمت قیله‌دی» سرلوحه‌سی بیلن بیرگن خبرگه کوره، تازه شفابخش سوولری و طبیعتی بیلن برچه‌نی اوزیگه حیران قیلگن هاتای نینگ قیریق خان تومنیده‌گی گولبا‌شی کولی بوندن بویان سیاحلرگه خدمت قیله‌دی. اوشبو کول کون سایین سیاحلرنی اوزیگه جلب قیلماقده. اوتگن ییلی «ملي سوولاق میدان» دیب تاپیلگن کول اطرافی تیزده آبادانلشتیریله‌دی و سیاحلرگه میزبانلیک قیله باشله‌یدی.
گولبا‌شی کولی هاتایده اوتکزیله‌دیگن ایکسپو-2021 کورگزمه‌سیده زیارت قیلینه‌دیگن مسکنلر آره‌سیگه کیریتیلگن.
