جهان مطبوعاتیدن خلاصه لر 14.02.1397

انگلستان نینگ نشراتی اورگانیدن عبارت رویترس خبر آژانسی, تورکیه جمهوریتی تشقی ایش لر وزیری مولود چاووش اوغلی نینگ, شنبه کونی ایرانلیک و روسیه لیک تینگداش لری نینگ اشتراکی بیلن روسیه پایتختی مسکوده بولیب اوتگن ییغیلیش جریانیده, سوریه ده حربی بیر ییچیم یولی نینگ قانونی ایمس لیگی و بونده ی بیر نرسه نینگ ممکن بولمیدیگن لیگی نی بیلدیرگن لیگی نی معلوم قیلماقده. 

ایران نینگ فارس خبر آژانسی, تورکیه بیلن اوزبیکستان اورته سیده 24 همکارلیک کیلیشووی نینگ امضالنگن لیگی نی بیلدیرماقده. 

روسیه نینگ اسپوتنیک انترنت سایتی, تورکیه ده اوتگن ییل نینگ خوددی منه شوو دوری بیلن سالشتیریلگنده میلادی 2018 نچی ییلی اپریل آییده صادرات میزانی نینگ 15 فایز مقیاسیده آرتیب کیتگن لیگی نی بیلدیررایکن, شونده ی قیلیب صادرات رقمی نینگ 13 میلیارد 549 میلیون دالر گه کوتریلیب کیتگن لیگی نی یازماقده. 

عینی دمده اوشبو سایت سونگگی 12 آیلیک صادرات رقمی نینگ رکورد سویه ده بولیب 161,1 میلیارد دالر گه کوتریلیب کیتگن لیگی گه دقت قره تماقده. 

چین نینگ نشراتی اورگانیدن عبارت شینهوا خبر آژانسی, تورکیه نینگ توریزم ساحه سیدن قولگه کریتیاتگن عایدات میزانی نینگ جاری ییل نینگ ایلک اوچ آییده انچه آرتیب کیتگن لیگی نی ایسلتماقده. 

امریکا قوشمه ایالتلری نینگ سی ان ان انترنشنل خبر چینلی, تورک کوره شچی رضا قایا آلپ نینگ اوروپا ده قهرمان بولگن لیگی نی بیلدیرماقده. 

روسیه نینگ اسپوتنیک انترنت سایتی, تورکیه جمهوریتی جمهوررئیسی رجب طیب اردوغان و جنوبی کوریا رهبری مون جان این اورته سیده بولیب اوتگن اوچره شوو آرتیدن ایککی اولکه آره سیده 4 کیلیشوو امضالنگن لیگی نی معلوم قیلماقده. 

آژانس فرانس پریس, تورکیه جمهوریتی جمهوررئیسی رجب طیب اردوغان نینگ عدالت و توسعه حزبی تامانیدن جون آیی نینگ 24 نچی کونیده بولیب اوته دیگن سیلاو لر اوچون رسماً جمهوررئیس لیگی اوچون کاندید قیلیب کورسه تیلگن لیگی نی بیلدیرماقده. 

روسیه نینگ خبر آژانسی دن عبارت ریا نوویستی, تورکیه جمهوریتی تشقی ایش لر وزیرلیگی سوزلاوچی سی حامی آقسوی نینگ, ایران نینگ مسئولیت لری نی بجا کیلتیرگن لیگی سببلی, انقره نینگ ایران بیلن بولگن هستوی کیلیشوو نینگ اسره لیشی گه طرفدار ایکن لیگی نی بیلدیرگن لیگی نی ایسلتماقده. 

امریکا قوشمه ایالتلری نینگ دیفینس نیوز مجله سی, تورکیه نینگ, ینه ده اوزاقراق مسافه نی اوره آله دیگن راکت تولید ایتیش گه حرکت ایته باشله گن لیگی نی یازماقده.