خارجی مطبوعات خلاصه لری 15.10.1395

خارجی مطبوعات خلاصه لری 15.10.1395

خارجی مطبوعات خلاصه لری 15.10.1395

خارجی مطبوعات خلاصه لری 15.10.1395

روسیه نینگ سیسی رادیوسی: ترکیه بیلن عراق آره سیده ینگی بیر دور باشلنه دی:

روسیه بیلن مناسبتینی توزه تگن ترکیه، عراق بیلن هم ارتباطینی قائیم قیلیش اوچون آدیم آتماقچی. باش وزیر بن علی ییلدیریم 5-6 جنوریده عراققه سیاحت ایته دی. ییلدیریم بغدادده عراق باش وزیری حیدر العبادی؛ اربیلده عراق کورد منطقوی اداره سی باشلیغی مسعود برزانی بیلن اوچره شه دی. باش وزیر اورین باسری نعمان قورتولموش موضوع بیلن علاقه لی اوله راق، "ترکیه اطرافیده گی مسئله لرنی بیرته – بیرته حل قیله دی و اوز یولیگه دوام ایته دی، دیدی. ییلدیریم نینگ عراق اوچره شوویده ایککی اولکه آره سیده گی مسئله لر، ینگی بیر دیالوگ پنجره سی اینیقسه عراق ده ترورگه قرشی کوره ش انه شو کوره ش چوکاتیده عراق نینگ کیلجگی نینگ بوندن کیین قنداغ بولرلیگی مطرح بولیب اوته دی.

 

انگلستان روئیترز خبر آژانسی: ترکیه، امریکا قوشمه ایالتلری نینگ ینگی اداره سیدن ترور تشکیلاتلریگه حمایه سینی قطع قیلیشینی امید قیلماقده:

باش وزیر بن علی ییلدیریم امریکا قوشمه ایالتلری نینگ ینگی اداره سی نینگ ترور تشکیلاتی پی کاکا نینگ سوریه ده گی اورتاغی PYD گه قورال تداریکی نینگ توخته تیشینی امید قیلگن لیگینی و دولت رئیسی بارک اوباما اداره سی نینگ بو کبی قورال انتقال لری نینگ مسوولی ایکن لیگینی ایتدی. انقره واشنگتن نینگ سوریه ده گی اعضاسی PYD تروریست لرگه همکارلیک قیلگن لیگیدن ناراحت دیر. ترک حکومتی بیر ترور تشکیلاتی گه قرشی کوره ش ماقده ایکن، ایریم بیر ترور تشکیلاتی گه همکارلیک قیلینیشی نینگ ینگلیش ایکن لیگینی هردائیم ایتماقده. امریکا قوشمه ایالتلری ایسه ترور تشکیلاتی PYD نی سوریه ده گی منفعتی گه بناً مهم بیر متفق اوله راق کورماقده.

آلمان DPA مطبوعات آژانسی: ترکیه نفرت آمیز اجتماعی میدیا آدرسلرگه قرشی فعالیت باشلته دی:

ترک اداره چیلر استانبول ده ینگی ییل کیچه سی اویوشتیریلگن و 39 کیشی اولگن هجوم نینگ آرتیدن نفرت نی اوز ایچیگه آلگن اجتماعی میدیا ترماغی آدرسلرگه قرشی فعالیت باشلته دی. باش وزیر اورین باسری نعمان قورتولموش 347 انترنیت آدرسی نینگ صاحبی اوچون تیرگاو باشله تیلگن لیگینی بیلدیردی. باش وزیرلیک تامانیدن قیلینگن اعلانده اجتماعی ترماغده گی قطب لشتیروو مسیج لرنینگ ترورنینگ منفعتی گه بولگن لیگی بو کبی خبرلرنینگ ملت و اولکه منفعتی گه ضد ایکن لیگی و جرم تشکیل ایتگن لیگی تذکر بیریلگن. قورتولموش جنابلری نا توغری تبلیغ اوله راق استفاده ایتیلگن برچه اجتماعی میدیا آدرس لری نینگ تعقیب ایتیلگن لیگینی اورغولب، بو اولکه آسان لیک بیلن قولگه کیریتیلمه دی. بعضی بیر کیشی لرنینگ فتنه – فسادلیک قیلیشی گه رخصت بیرمه ی میز، دیدی.

ایتالیا، لا ریپابلیکا روزنامه سی: جیوانی گوییدت: بیر ایتالیالیک اوله راق استانبول دن باشقه بیر جایگه کیتماقچی ایمس من:

ترک خاتین – قیز والیبال ملی تیمی نینگ ترینری جیوانی گوییدت ینگی ییل کیچه سی استانبول ده دیسکاتیک ده اویوشتیریلگن هجوم نینگ آرتیدن استانبول دن کیتمس لیگینی ایتیب، ملی تیم گه وظیفه سیگه دوام ایتیش اوچون قول قویدی. هالند ملی تیمینی ترک ایتیب، ترکیه ملی تیمی بیلن کیلیشووگه قول قوشگن جیوانی گوییدت "بوندن بویان استانبول دن باشقه بیر تامانگه کیتمه ی من" دیدی. ترور توغریسیده دنیانینگ هر بیر جاییده بو کبی خطرلرنینگ موجود ایکن لیگینی معلوم قیلیب، بوندن اوچ ییل آلدین استانبول نینگ آسیا تامانیدن اوی ساتیب آلدیم. امکان بولگنده بو جایگه پادشاه لر کبی یشش ممکن دیب ایتدی.

 



علاقه لی ینگی لیکلر