هالند تورکیه گه عاید تاریخی اثر نی قیتریب بیردی

هالند نینگ لیدن شهریده بیر موزیمده بولگن تورکیه گه عاید تاریخی تاش, تورکیه نینگ لاهه ایلچیسی سلجوق اونال تامانیدن تسلیم آلیندی. 

اونال, اسمی نینگ ذکر ایتیلمس لیگی نی طلب قیلگن بیر نفر کلکسیونر نینگ, لیدن ملی ایسکی اثرلر موزیمی گه تورکیه گه عاید ایکن لیگی اویلنگن تاریخی بیر اثر نی تاپشیرگن لیگینی بیلدیردی. 

اوشبو معلومات نینگ آلدین استانبولده جایلشگن هالند تدقیقات انستیتوتی تامانیدن مدنیت و توریزم وزیرلیگی قاچاقچیلیککه قرشی کوره ش باشقرمه سی گه ییتیشتیریلگن لیگینی بیلدیرگن اونال, اثر نینگ تیکشیریلیشی آرتیدن تورکیه دن آلیب کیتیلگن لیگی نینگ انیقلنگن لیگینی ایسله تیب اوتدی. 

اوشبو تاریخی اثر نینگ معماری بیر پارچه یاکه بیر قبر تاشی بولیشی نینگ اویلنگن لیگینی معلوم قیلگن اونال, "موزیم مسئولی هم اوشبو تاش نینگ میلادی 2- یاکه 3- عصر گه عاید ایکن لیگینی بیلدیرماقده.  تورکیه ده گی اصلی جایی نینگ انتالیا نینگ پرگه منطقه سیدن عبارت ایکن لیگی اویلنماقده" دییه قید ایتدی.