تورکیه ده  بیر مینگ بیش یوز ییللیک ییر آستی یولی تاپیلدی

تورکیه نینگ استانبول ولایتیده, 500 ییللیک پولیوکتوس کلیساسی نینگ قالدیق لریده آلیب باریلیاتگن قزیشمه لر نتیجه سیده 1 مینگ 500 ییل لیک ییر آستی یولی تاپیلدی. 

ایاصوفیه دن هم آلدین قوریلگن پولیوکتوس کلیساسی ساحه سیده آرکیولوژیک قزیش فعالیتلری دوام ایتماقده. 

خوددی شوو کلیسا, 11- عصر دن آلدین ویران قیلینیشی آرتیدن تاراج قیلیندی.  کلیسا نینگ قیمت بها نرسه لری و ستونلری وندیککه آلیب قاچیریلدی. 

میلادی 1960- ییلده ییر آستی یول قوریش فعالیتلری جریانیده اوشبو کلیسا گه عاید بعضی اثر لر تاپیلگن ایدی. 

پولیوکتوس کلیسا سی نینگ موجود بولگن سراچخانه پارکیده میلادی 2022- ییل 8- جون کونی قزیش فعالیتلری باشله تیلدی. 

قزیش فعالیتلری نینگ دوام ایتیاتگن اوشبو ساحه ده تاریخی بیر ییر آستی یولی تاپیلدی. 

اوشبو تاریخی ییر آستی یولی نینگ مرمر لر بیلن قوریلگن شکلی و باشقه بیزه ک لری دقتلرنی اوزی گه تارتماقده. 

سراچخانه آرکیولوژی پارکی نینگ بیر آی کیین آچیلیشی کوتیلماقده.