تورکیه ملی رادیو تلویزیونی نینگ بالکان نشراتی باشله دی

تورکیه ملی رادیو تلویزیونی (تی آر تی) نینگ ینگی دیجیتال خبر پلاتفرمی تی آر تی بالکان, منطقه خلقی و اوشبو جغرافیه نی قیزیقتیریاتگن موضوع لر گه خلق ارا مقیاسده اورین اجره تیش مقصدی بیلن اوز نشراتی نی باشلتدی. 

تی آر تی بالکان نی تانتیش اوچون پایتخت انقره ده بولیب اوتگن مراسمده, تورکیه جمهوریتی پارلمانی باشلیغی مصطفی شنتوپ, جمهوررئیسلیک ارتباط لر باشقرمه سی نینگ باشلیغی فخرالدین آلتون و تی آر تی عمومی رئیسی محمد زاهد سوباجی معروضه قیلدی. 

شنتوپ قیلگن معروضه سیده, 5 تیلده بالکان لرده گی 7 اولکه گه ییتیب باره دیگن تی آر تی بالکان نشراتی نینگ خیرلی بولیشی نی تیلب قالدی. 

تورکیه و بالکان لرنینگ اورتاق میراثی نی, میدیا و تعلیم بیلن کیله جککه انتقال ایتتیریش نینگ, اینگ مهم هدف لری دن عبارت ایکن لیگی نی بیلدیرگن شنتوپ, "تعلیمی مرکز لری و تی آر تی بالکان آرقه لی, بالکان لرده گی تورک و مسلمان قرداش لری میز بیلن بولگن مناسبت لری میز نی مستحکم لشتیره میز" دییه قید ایتدی. 

جمهوررئیسلیک ارتباط لر باشقرمه سی نینگ باشلغی فخرالدین آلتون هم معروضه قیلدی. 

آلتون, "تی آر تی بالکان نینگ هم حرمتلی جمهوررئیسی میز باشچیلیگیده اولکه میز نینگ خلق ارا مقیاسده عدالت بوییچه کوره شیده مهم رول اوینب و بو عدالت کوره شی نینگ بالکان جغرافیه سیده مهم عنصر لری دن بیری بوله دیگن لیگی و بالکان جغرافیه سی نینگ کوچلی بیر سیسی بوله دیگن لیگی گه ایشانه من" دییه قید ایتدی. 

آلتون, تی آر تی بالکان نینگ, منطقه ده گی حقیقت لرنی تشقی کوچ لردن ایمس, بلکه منطقه نینگ اوزی آرقه لی جهان گه ترقه ته دیگن لیگی نی بیلدیردی. 

تی آر تی عمومی رئیسی سوباجی ایسه, دنیا نینگ فرقلی جای لریده فرقلی تیل لرده گی پلاتفرم لرگه, تی آر تی بالکان نی قوشیمچه قیلگن لیک لری اوچون خرسند ایکن لیک لری نی معلوم قیلدی.

سوباجی اوز سوز لری نی قوییده گیچه دوام ایتتیردی:

"بالکان لرده, جوده قتتیق بیر میدیا رقابتی موجود.  عینی دمده پروپاگند فعالیت لری نینگ انیق شکلده حس ایتیلیاتگن, قانلی ترور تشکیلاتی فتو کبی ساختار لرنینگ اوز لری اوچون بیر جای اجره تیش گه حرکت قیلیاتگن بیر جغرافیه بحث موضوعی.  بعضی نشراتی اورگان لرنینگ طرفلی خبر لر ترقه تیاتگن, منطقه خلقی نی ناتوغری معلومات لر بیلن اوز تاثیری آستی گه آلیش گه حرکت قیلیاتگن بو جغرافیه ده, کوپلب تیللرده گی دیجیتال خبر پلاتفرمی نی قوریب اوشبو وضعیت گه اعتراض بیلدیرماقده میز". 

منطقه خلقی و اوشبو جغرافیه نی قیزیقتیریاتگن موضوع لر گه خلق ارا مقیاسده اورین اجره تیش مقصدی بیلن باشله گن دیجیتال خبر پلاتفرمی تی آر تی بالکان, مقدونیه, آلبانیا, بوسنیا, کرواسیا و صرب تیللریده نشرات آلیب باره دی. 

تی آر تی بالکان, منطقه تیل لریده گپیره دیگن 30 میلیون دن آرتیق کیشی گه خطاب ایته دی.