تی آر تی عمومی رئیسی اوروپا نینگ نشراتی اورگان لرینی تروریزم گه قرشی کوره ش گه چقیردی

تی آر تی عمومی رئیسی میدیا ییغیلیشیده معروضه قیلدی

1831573
تی آر تی عمومی رئیسی اوروپا نینگ نشراتی اورگان لرینی تروریزم گه قرشی کوره ش گه چقیردی

اوروپا نشرات بیرلیگی (European Broadcasting Union – EBU), تی آر تی میزبانلیگیده 41 اولکه دن تقریباً 200 نفر یوقاری مرتبه لی نشرات مسئول لری نینگ اشتراکی بیلن بولیب اوتگن میدیا ییغیلیشی دایره سیده بیر آره گه کیلدی.  اوشبو ییغیلیشده معروضه قیلگن تی آر تی عمومی رئیسی سوباجی, "خلق ارا تروریزم گه قرشی کوچلی بیر شکلده کوره شیاتگن تورکیه نینگ دولت نشراتی اورگانی اوله راق, تروریزم نینگ منبعی و هدفی نینگ قییر بولیشی گه قره می همه میز نینگ بیر یقه دن باش چیقاریب کوره شیش بوییچه ساغلام بیر همکارلیک بوییچه چقیریق بیرماقده میز" دییه قید ایتدی. 

تی آر تی نینگ هم اعضاسی بولگن اوروپا نشرات بیرلیگی نماینده لری, پاندمی باعث ایکّی ییل کیین بیرینچی مرته یوزمه یوز ییغیلیش اوتکزدی.  تی آر تی میزبانلیگیده استانبول ده بولیب اوتگن اوروپا نشرات بیرلیگی میدیا ییغیلیشی گه تی آر تی عمومی رئیسی محمد زاهد سوباجی و اوروپا نشرات بیرلیگی عمومی باشلیغی نوئل کوران دن تشقری 41 اولکه دن تقریباً 200 یوقاری مرتبه لی نشرات مسئول لری اشتراک ایتدی.  ایکّی کون دوام ایته دیگن اوشبو ییغیلیشده, دولت نشراتی نینگ کیله جگی, کوره شیلیشی کیره ک بولگن قیین چیلیک لر, ینگی تمایل لر و یاش لر بیلن تماس قوریش کبی کوپلب موضوع لر باره سیده بحث ایتیله دی. 

"جمهوررئیسی میز نینگ 'دنیا بیش دن کتته دیر' شعاری, همه میز نینگ اورتاق و امنیت کیله جگی اوچون بیرته گینه سرمایه گذارلیک نینگ خلاصه دیر" دییه قید ایتدی. 

ییغیلیش نینگ افتتاحیه قسمیده معروضه قیلگن تی آر تی عمومی رئیسی محمد زاهد سوباجی, اوزاق بیر مدت دن کیین یوز مه یوز بولیب اوتیاتگن 2022 اوروپا نشرات بیرلیگی میدیا ییغیلیشی گه میزبان لیک قیلیاتگن لیک لری اوچون خرسند ایکن لیک لری نی بیلدیردی.  عنعنوی ارزش لری میز دن عبارت طرفسیزلیک, حقانیت و توغری لیک نینگ کیله جک نینگ دیجیتال میدیاسی نینگ هم اوزگرمه یدیگن ستندرت لری دن بولیشی کیره ک ایکن لیگی نی معلوم قیلگن سوباجی, "اوشبو مقصد بیلن اوروپا نشرات بیرلیگی اعضالری هردایم بولیب کیلگن لیگی دیک همکارلیکده ینه ده مرفه بیر کیله جک و نشرات فرهنگی نینگ باییتیلیشی اوچون اورتاق و ینگیلیکچی تشبث لر بیلن همکارلیگی میز نی کوچه یتیریش گه دوام ایتتیریشی میز بوییچه هیچ قنده ی بیر تردیدیم یوق.  ایسدن چیقارمس لیک کیره ک که اتفاق بولگنی میزده کوچلی بوله میز" دییه قید ایتدی. 

حاضرگی کونده خلق ارا مقیاسده مهم نشراتی اورگان لردن بیری گه ایلنگن تی آر تی نینگ 18 تلویزیون چینلی و 17 رادیو کانالی دن تشقری 9 دیجیتال پلاتفرمی, دیجیتال اپلیکیشن لر و ملی و بین المللی سویه ده گی کوپلب فعالیت لری بیلن اولکه میزده اینگ یخشی نشراتی اورگان ایکن لیگی نی بیلدیرگن تی آر تی عمومی رئیسی سوباجی اوز سوز لری نی قوییده گیچه دوام ایتتیردی:

"ایندی انسان لر و جغرافیه لرنی ایرمسدن جهان نی بیر اوله راق بهالنتیریش کیره ک؛ هر بیر انسان نینگ مهم ایکن لیگی مفکوره سی بیلن, یوق دیب قبول قیلیش نینگ بیر ییچیم دن عبارت ایمس لیگی نی توشینیب انگله شی میز کیره ک. جمهوررئیسی میز حرمتلی رجب طیب اردوغان نینگ خلق ارا پلاتفرم لرده تیز تیز ایتیب کیلیاتگن 'دنیا بیش دن کتته دیر' شعاری, ینه ده عادلانه بیر خلق ارا تیزیم نینگ قوریلیشی نینگ یولی؛ همه میز نینگ اورتاق و امنیتلی کیله جگی گه قیلینه دیگن بیرته سرمایه گذارلیک نینگ خلاصه سیدن عبارت.  حاضرگی کونده تورکیه, دنیا نینگ تینچلیک جغرافیه سی صفتیده اینگ مهم خلق ارا مسئله لرده رهبر لر نینگ بیر آره گه کیلگن, خلق ارا جامعه نینگ یخشی خبر لر کوتیاتگن, فرهنگی اوچره شوو لر و ییچیم یوللری نینگ مطرح ایتیلگن نادر اولکه لر آره سیده اورین آلماقده.  اوشبو دایره ده, اوروپا نشرات بیرلیگی نینگ هم اهمیت بیریاتگن بیر مسئله بولگن یاش لر و دولت نشراتی مناسبتی گه اولویت بیریاتگن, اولر نینگ خلق ارا ینگی لیک لر بوییچه فکر لری و ییچیم توغریسیده گی پیشنهاد لری نی قمره گن فعالیت لر آلیب بارماقده میز". 

تی آر تی نینگ خلق ارا خبر پلاتفرم لری حقیده هم سوز یوریتگن سوباجی, "تی آر تی اوله راق بوگون, تلویزیون و رادیو لری میز, دیجیتال پلاتفرم لری میز آرقه لی دنیا نینگ 7 قطعه سی گه 41 تیل و لهجه ده نشراتی میز نی ییتیشتیریب بیرماقده میز.  تی آر تی ورلد دن تشقری, دیجیتال خبر پلاتفرم لری میز تی آر تی آلمانچه, تی آر تی روسچه, تی آر تی عربچه آرتیدن ایندی تی آر تی فرانسه تیلی دن عبارت عمومی ریاستی میز نینگ اینگ ینگی بولیمی نینگ آچیلیشی مناسبتی بیلن مراسم اوتکزدیک.  بوندن تشقری, افریقا, بالکان و فارسچه دیجیتال پلاتفرم لری نینگ آچیلیشی بوییچه هم فعالیت لری میز دوام ایتماقده" دییه قید ایتدی. 

"تروریزم نینگ منبعی و هدفی نینگ قییر بولیشی گه قره مسدن همه میز نینگ بیر یقه دن باش چیقاریب کوره ش آلیب باریش بوییچه همکارلیک اوچون چقیریق بیرماقده میز"

بحران لر, مسئله لر و اوزگریش لرنی دیجیتال له شیش پروسه سی دن مجزا بیر شکلده اویلش نینگ ممکن ایمس لیگی نی بیلدیرگن سوباجی, اوروپا نشرات بیرلیگی میدیا ییغیلیشیده تاریخی بیر چقریق نی مطرح قیلدی. سوباجی, بیز دولت نشراتی اورگان لری صفتیده ناتوغری معلومات لر و مقصدلی خبر لر گه قرشی بار کوچی میز بیلن کوره شه دیگن مهم موسسه لردن عبارت میز.  دولت نشراتی اورگان لری اوله راق بیز نینگ مسئولیتی میز فقط گینه بوندن عبارت ایمس.  افراطی لیک, عایدات عدالتسیزلیگی, خلق ارا تروریزم, سایبری خوفسیزلیک و ایکولوژیک مسئله لر حقیده خلققه معلومات بیریشی میز کیره ک.  خلق ارا تروریزم گه قرشی اینگ کوچلی بیر شکلده کوره ش آلیب باریاتگن تورکیه نینگ دولت نشراتی اورگانی اوله راق, تروریزم نینگ منبعی و هدفی نینگ قییر بولیشی گه قره مسدن همه میز نینگ بیر یقه دن باش چیقاریب کوره ش آلیب باریش بوییچه همکارلیک اوچون چقیریق بیرماقده میز" دییه قید ایتدی. 

"تورکیه, سریال صادراتی بوییچه امریکا دن کیین ایکّینچی اورین نی ایگلله ماقده"

تی آر تی نینگ سریال و اورتاق اثر لری نینگ موفقیتی بیلن دیجیتال فعالیت لری حقیده ییغیلیشده معروضه قیلگن سوباجی اوز سوز لری نی قوییده گیچه دوام ایتتیردی:

"تی آر تی نینگ سریال لری گه خلق ارا مقیاسده کورسه تیلیاتگن قیزیقیش گه دقت قره تماقچی من.  تورکیه, سریال صادراتیده امریکا آرتیدن ایکّینچی اورین نی ایگلله ماقده.  اوشبو موفقیت بوییچه موسسه میز نینگ جهان بویلب سریال ساتیش لری ساحه سیده گی فعالیت لر گه رهبرلیک ایتیشی نینگ مهم رولی بار.  سریال لر, مشترک فلم لر و کارتونی فلم لری میز گه قیزیقیش جوده کتته.  کیله جک ده گی آی لرده خلق ارا تی آر تی دیجیتال ویدیو پلاتفرمی میز نینگ عملی بولیشی اوچون فعالیت لری میز نی دوام ایتتیره میز.  اوشبو دیجیتال پلاتفرم و تیارله نه دیگن ینگی محتوا عینی دمده اوروپا نشرات بیرلیگی اعضالری بیلن مشترک اثر لردن تشقری اوروپا نشرات بیرلیگی آلدین دن آلیش تیزیمی تامانیدن تقدیم ایتیلگن امکانیت لر و همکارلیک فرصت لری دن ینه ده یخشیراق فایده له نه آلیشی میز اوچون امکانیت تامین ایتیب بیره دی. تی آر تی, پاندمی دوری ده اوروپا نشرات بیرلیگی نینگ Content Appeal اسمی بیلن باشلتگن و اعضا لرنینگ تیکین گه پروگرام تامین ایته آله دیگن پروگرام مرکزی اپلیکیشنی گه حجتلی فلم و درامه کبی فرقلی تورلرده پروگرام لر بیلن فعال حصه قوشدی.  بونینگ بیلن بیر قطارده, سینما ساحه سی بوییچه هم خلق ارا مقیاسده همکارلیک لری نی آرتیریب موثر بیر رول گه ایگه بولماقده.  سونگّی اوچ ییلده تی آر تی نینگ مشترک فلم لری, کن, برلین, کارلووی واری, وندیک, سان سباستیان, وارسا و لوکارنو فلم فستیوال لری کبی 300 دن آرتیق ملی و بین المللی فستیوالده 275 گه یقین ساورین کسب ایتیش گه موفق بولدی.  عینی دمده تی آر تی, خلق ارا فلم فستیوال لریده بیریلگن تی آر تی گه خاص ساورین لری, اداری همکارلیک لری و فعالیت لری بیلن هم بو ساحه ده گی اورتاق لیک و همکارلیک لر گه حصه قوشماقده".

ییغیلیشده معروضه قیلگن اوروپا نشرات بیرلیگی عمومی رئیسی نوئل کوران ایسه, بو محتشم میزبان لیک اوچون تی آر تی گه منتدارچیلیک بیلدیررایکن, "بیر آره ده بولیش بیز نینگ جهتی میزدن کوپ مهم.  اوشبو دایره ده تی آر تی بیلن همکارلیگی میز نینگ آرتیشی نی امید ایتماقده میز" دییه قید ایتدی. 

اوروپا ده دولت نشراتی اورگان لری نی بیر آره گه کیتیریش اوچون قوریلگن  اوروپا نشرات بیرلیگی, دنیا ده گی اینگ مهم دولت نشراتی اورگان لری بیرلیک لری دن بیری اوله راق بهالنتیریلماقده. 



علاقه لی ینگی لیکلر