بوگون تورکیه ده باله لر بیره می قیزغین کوتیب آلینماقده

تورکیه جمهوریتی ده 23 اپریل ملی حاکمیت و باله لر بیره می بیلن تورکیه بویوک ملت مجلسی نینگ قوریلیشی نینگ 100- ییل لیگی قیزغین کوتیب آلینماقده. 

تورکیه بویوک مجلسی نینگ باشلیغی مصطفی شنتوپ, مجلس نینگ آچیلیشی نینگ 100- ییل لیگی مراسم لری دایره سیده اتاتورک یادگارلیگی گه گل قویب, آنیت قبر و بیرینچی مجلس بنا سی ده بولیب اوته دیگن مراسم گه اشتراک ایته دی.

شنتوپ, خاص بیر آجندا بیلن بولیب اوته دیگن تورکیه بویوک ملت مجلسی عمومی کینگشی ییغیلیشی نی باشقریب, مجلس ده بوله دیگن فشنگ و لایزر نمایشی نی تماشا قیله دی. 

جمهوررئیس اورینباسری فواد اوکتای بیلن جمهوریت خلق حزبی نینگ رهبری کمال قلیچدار اوغلی هم آنیت قبر و بیرینچی مجلس بنا سیده بولیب اوته دیگن مراسم لر و تورکیه بویوک ملت مجلسی عمومی کینگشی ییغیلیشی گه اشتراک ایته دی. 

عینی دمده تورکیه جمهوریتی یاش لر و سپورت وزیری محمد محرم قصاب اوغلی هم, آنیت قبر ده گی مراسم و خاص بیر آجندا بیلن بولیب اوته دیگن بویوک ملت مجلس عمومی کینگشی ییغیلیشی گه قتنشه دی.