تورکیه نینگ ایسکی شهیر ولایتیده نوروز بیره می قیزغین کوتیب آلیندی
اوشبو مراسم لر چیت ایللرده گی تورک لر و قرینداش جمعیت لر اداره سی تمانیدن ترتیب لندی
چیت ایللرده گی تورک لر و قرینداش جمعیت لر اداره سی تورکیه نینگ ایسکی شهیر ولایتیده نوروز بیره می نی قیزغین کوتیب آلدی.
اوشبو مناسبت بیلن بولیب اوتگن مراسم گه تورکیه جمهوریتی جمهوررئیسی نینگ اورینباسری فواد اوکتای, چیت ایللرده گی تورک لر و قرینداش جمعیت لر اداره سی نینگ باشلیغی عبدالله اره ن, ایسکی شهیر وکیلی نبی آوجی, انادولو عالی بیلیم یورتی رئیسی پروفیسر داکتر شفق اَرتان چقماقلی, تی آر تی عمومی رئیسی ابراهیم اَره ن و تورک دنیا سی نمانیده لری بیلن اوقووچی لری اشتراک ایتدی.
نوروز, تورک دنیا سی نینگ مشترک فرهنگی میراثی دیر
اورته آسیا دن باشلب بالکان لر گه قدر بولگن کینگیش جغرافیه ده قیزغین کوتیب آلینیاتگن نوروز بیره می نینگ برچه بشریت اوچون خیرلی بولیشی نی آرزو قیلگن جمهوررئیس اورینباسری فواد اوکتای, "نوروز آته یورت تورکستان دن کیلگن بیر برکت بیره می دن عبارت. نوروز تورک دنیا سی نینگ مشترک فرهنگی میراثی دیر. بوگون, دنیا نینگ فرقلی اولکه لری دن کیلگن سیز یاش لر بیلن بیرگه لیکده صمیمی بیر محیطده نوروز بیره می نی کوتیب آلیاتگن لیگی میز اوچون جوده خرسند میز. فرقلی لیق لری میز نی بای لیک اوله راق بهالنتیررایکن, هیچ کیمسه نی چیت لمسدن صمیمی بیر شکلده اوشبو بیره م نی بیرگه لیکده کوتیب آلماقده میز. اوشبو گوزه ل مراسم نینگ بولیب اوتیشی گه سبب بولگن انادولو عالی بیلیم یورتی و چیت ایللرده گی تورک لر و قرینداش جمعیت لر اداره سی گه منتدارچیلیک بیلدیره من" دییه قید ایتدی.
تورکیه دنیا نینگ نوروزی اوچون کوره ش آلیب بارماقده
اوشبو مراسم جریانیده معروضه قیلگن چیت ایللرده گی تورک لر و قرینداش جمعیت لر اداره سی نینگ باشلیغی عبدالله اَره ن ایسه تورکیه نینگ رسمی چیگره لری نینگ تشقری سیده کینگیش بیر کونگیل جغرافیه سی گه ایگه ایکن لیگی نی معلوم قیلدی. چیت ایللرده گی تورک لر و قرینداش جمعیت لر اداره سی نینگ دنیا نینگ تورت بورچگیده قرینداش جمعیت لر بیلن صمیمی ارتباط قوریش گه انتیلیاتگن لیگی نی بیلدیرگن اره ن, "بیز امپراطورلیک نینگ وارث لری میز. 784 کیلومتر مربع لیک بیر ساحه گه یاییلیب کیتگن بولیشی میز گه قره مسدن, عثمانلی امپراطورلیگی نینگ وارث لری ایکن لیگی میز سببلی کوپلب قرینداش لری میز چیگره لری میز نینگ تشقریسیده یشه ماقده. دنیا نینگ تورت بورچگیده تورک تیلیده گپریاتگن کیشی لر موجود. اوشبو جمعیت لر بیلن صمیمی ارتباط قوریش مکلفیتی گه ایگه میز" دییه قید ایتدی.
علاقه لی ینگی لیکلر
خلق ارا باله لر بیره می طنطنه لی اوتکزیلماقده
تورکیه ده خلق ارا 23 اپریل باله لر بیره می ایتیب نشانلنماقده
