اسلام دینی و حضرت پیغمبرگه حقارت قیلگن بیر کیشی قماققه محکوم ایتیلدی

ملیزیاده اسلام دینی و حضرت محمد (ص) گه حقارت قیلگن لیگی بیلن عیبلنگن بیر کیشی 10 مینگ ملیزیا پولی (2 مینگ 445 دالر) توولش و 7 آی قماققه محکوم ایتیلدی.

اجتماعی ترماق آرقه لی حضرت پیغمبرگه حقارت قیلووچی پیاملر ترقه تگن لیگی بیلن عیبلب 4 مارچ کونی قولگه آلینگن و جمعه کونی بو عیبلاولرنی قبول قیلگن محمد یزید کونگ عبدالله، معلومات و میدیا قانونی گه مخالفت قیلگن لیگی باعث 10 مینگ ملیزیا پولی (2 مینگ 445 دالر) توولش و 7 آی قماققه محکوم ایتیلدی.

محکمه مذکور کیشی پولنی تووله یالمه گن تقدیرده ینه ایککی ییل قماققه ده محکوم بولیب قاله جگی گه حکم بیلدیردی.

شنبه کونی هم حضرت محمد (ص) گه حقارت قیلگن لیگی بیلن عیبلنگن بیر کیشی 10 ییل قماققه محکوم ایتیلگن ایدی.

ملیزیا پولیس تشکیلاتی، سونگی پیتلرده ملیزیاده اسلام دینی و حضرت پیغمبرگه حقارت قیلووچی پیاملرنینگ کوپه ییب بارگن لیگینی قید ایتیب، حلی گچه مملکت مقیاسیده موضوع بیلن تیگیشلی اوله راق 929 راپور آلگن لیکلرینی بیان ایتگن ایدی.

اوتگن آی چین لیک بیر کیشی نینگ اجتماعی ترماق ارقه لی حضرت محمد (ص) گه حقارت قیلگن لیگی بیلن عیبلب قولگه آلینیشی باعث پایتخت کوالا لامپورده مظاهره اویوشتیریلگن ایدی.