تورکیه ده توقّیز عصرلیک بیر ایدیش تاپیلدی

دنیا نینگ اینگ قدیمی مسکونی جای لریدن بیری بولگن تورکیه نینگ شانلی اورفا ولایتی "حرّان اُره ن ییری" منطقه سیده آلیب باریلگن حفریات فعالیت لری نتیجه سیده, اورته چاغدن قالگن 9 عصرلیک سفال بیر ایدیش تاپیلدی. 

خوددی شوو ایدیش نینگ ایچی گه دوا قویلگن لیگی بیلدیریلدی.

حرّان اُره ن ییری بیرلشگن ملت لر تشکیلاتی معارف, بیلیم و فرهنگ سازمانی (یونسکو) نینگ اوتکینچی دنیا میراثی لستیده اورین آلماقده. 

خوددی شوو حفریات فعالیت لری نی باشقرگن پروفیسر داکتر محمد اونال و حرّان عالی بیلیم یورتی آرکیولوژی بولیمی, اوشبو منطقه نینگ تاریخ دوامیده مهم بیر طب مرکزی بولگن لیگی نی معلوم قیلرایکن, جاری ییلده طب ساحه سی بوییچه مهم بیر اثر تاپگن لیک لری نی بیلدیردی. 

اونال, حفریات فعالیت لری نتیجه سیده 9 عصرلیک سفال بیر ایدیش تاپگن لیک لری نی بیلدیررایکن, "اوشبو ایدیش نینگ تاپیلگن طبقه, میلادی 12- عصر گه عاید.  بو قاره تنلی لر دوری دیمک.  بو ییرده ادویه ایشلب چیقریلگن لیگی و خوددی شوو ایدیش لرگه قویلیب ساتیلگن لیگی نی انیقله دیک" دییه قید ایتدی. 

اوشبو تاریخی اثر شانلی اورفا ولایتی موزیمی گه جونه تیله دی. 

2015- ییلده تورکیه جمهوریتی جمهوررئیسی رجب طیب اردوغان تامانیدن افتتاح قیلینگن اوشبو موزیم 200 مینگ مترلیک بیر ساحه ده قوریلرایکن, خوددی شوو موزیمده 70 مینگ دن آرتیق تاریخی اثر موجود.