هرات ولایتیده زلزله عاقبتیده حیاتینی یوقاتگن کیشی لر سانی آرتدی

هرات ولایتیده شنبه کونی یوز بیرگن زلزله لر عاقبتیده حیاتینی یوقاتگن کیشی لر سانی 2 مینگ 445 نفر گه ییتدی. 

طالبان اوتکینچی حکومتی نینگ طبیعی حادثه لر گه قرشی کوره ش وزیرلیگی سوزچیسی ملا جانان سایق اوشبو توغریسیده معلومات بیردی. 

سایق, زلزله عاقبتیده 2 مینگ 445 کیشی نینگ حیاتینی یوقاتگن لیگینی بیلدیردی. 

آلدین 9 مینگ 240 نفر اوله راق اعلان قیلینگن یره لنگن لر سانی نینگ ناتوغری ایکن لیگینی بیلدیرگن سایق, زخمی لر سانی نینگ 2 مینگ 440 نفر ایکن لیگینی معلوم قیلدی. 

سایق, اینگ کوپ انسان لرنینگ زنده جان تومنی ده گی 13 قیشلاقده حیاتینی یوقاتگن لیگی و زلزله لرده 1320 اوی نینگ ویران بولگن لیگینی بیلدیرگن ایدی. 

هرات والیسی نور احمد اسلام جار, خلق ارا جامعه دن یاردم طلب ایترایکن, عاجل بیر شکلده ادویه و غذایی مواد گه ضرورت ایکن لیگینی ایسله تیب اوتگن ایدی. 

امریکا قوشمه ایالتلری جیولوژیک تدقیقات مرکزی گه کوره, شنبه کونی هرات ولایتیده, محلی وقت بیلن ساعت 11.00 دن باشلب 6,3 , 5,5 , 4,7 , 6,3 , 5,9 , 4,6 , 4,8 و 4,9 ریشترلیک بیر نیچه زلزله یوز بیرگن ایدی.