بیرلشگن ملتلر تشکیلاتی کابلده اویوشتیریلگن هجومنی قتیق قاره له دی

بیرلشگن ملتلر تشکیلاتی, کابلده تشقی ایشلر وزیرلیگی یقینیده اویوشتیریلگن ترورچیلیک هجومینی قتیق قاره له دی. 

بیرلشگن ملتلر تشکیلاتی خوفسیزلیک کینگشی تامانیدن بیریلگن یازمه بیاناتده, مسئولیتی نی داعش نینگ اوز بوینی گه آلگن اوشبو حادثه عاقبتیده 6 کیشی نینگ حیاتینی یوقاتگن لیگی معلوم قیلیندی. 

بیاناتده, خوفسیزلیک کینگشی اعضالری نینگ قربان لرنینگ عایله لری گه قیغوداشلیک بیلدیریب, یره لنگن لر گه عاجل شفا تیلب قالگن لیکلری بیلدیریلدی. 

تروریزم نینگ افغانستان و دنیا ده تینچلیک و خوفسیزلیککه قرشی تهدید دن عبارت ایکن لیگی بیلدیریلگن بیاناتده, " خوفسیزلیک کینگشی اعضالری افغانستان ده عادی اهالی گه قره تیلگن ترورچیلیک هجومینی قتیق قاره له یدی" دییه قید ایتیلدی. 

کابلده تشقی ایشلر وزیرلیگی یقینیده اویوشتیریلگن انتحاری هجوم عاقبتیده 6 کیشی حیاتینی یوقاتگن ایدی.