افغانستان ده عالی بیلیم یورتلری ایرکک اوقیووچیلر اوچون فعالیت گه باشله دی

اوشبو تعلیم و تحصیل ییلی قیز اوقیووچیلر بولمه ی باشله دی

1955669
افغانستان ده عالی بیلیم یورتلری ایرکک اوقیووچیلر اوچون فعالیت گه باشله دی

افغانستان ده قیش آیلری طفیلی تعطیل قیلینگن عالی بیلیم یورتلریده ینگی تعلیمی و تحصیلی ییلی قیز اوقیووچیلر بولمه ی آچیلدی.

طالبان اوتیش دوری حکومتی نینگ عالی تحصیلات وزیرلیگی تامانیدن بیریلگن بیاناتده برچه عالی بیلیم یورتلری نینگ بوگوندن اعتباراً تحصیل آلیش اوچون فعالیت گه باشله گن لیگینی بیلدیردی.

دسامبر آییده طالبان اوتیش دوری حکومتی نینگ قیز اوقیووچیلرنینگ عالی بیلیم یورتلریده تحصیل آلیشینی منع ایتیب قوییشی نینگ آرتیدن اولکه مقیاسیده گی عالی بیلیم یورتلری ایلک مرته قیز اوقیووچیلر بولمه ی فعالیت گه باشله دی.

عالی بیلیم یورتلری نینگ ایشیکلریگه کیلگن قیز اوقیووچیلرنینگ ایچکریگه کیریشلریگه رخصت بیریلمه دی.

بعضی بیر قیز اوقیووچیلر اجتماعی ترماق آرقه لی نشر قیلگن پوستلرده قیزلرگه تحصیل آلیش گه رخصت بیریلگونچگه قدر ایرکک اوقیووچیلرنینگ ناراضیلیک بیلدیریب عالی بیلیم یورتلرگه کیرمسلیکلری بوییچه چقیریق قیلدی.

بو چقیریققه بناً بلخ عالی بیلیم یورتیده بعضی بیر اوقیووچیلر درسلرگه چیکلاو عملی قیله جکلرینی بیلدیردیلر.

کابل عالی بیلیم یورتی اوقیووچیلری هم بیلیم یورتلریده گی امکانیتلرنینگ محدودلشتیریلگن لیگینی معلوم قیلیب قیز اوقیووچیلرنینگ هم تحصیل آلیشلری کیره ک لیگینی افاده ایتدیلر.

طالبان 2021 ییلی 15 اگست تاریخیده اولکه باشقرووینی قولگه کیریتیب آلیشی نینگ آرتیدن خاتین – قیزلرنینگ تعلیم، تحصیل آلیشی، دولت و نادولت تشکیلاتلرده ایشلشی، سپورت صالونلریگه باریشینی منع قیلیب قویگندی.   

 



علاقه لی ینگی لیکلر