افغانستانده هوا ساووق لیگی سببلی حیاتی نی یوقاتگن لر سانی ییتمیش نفر گه ییتدی

افغانستانده سونگّی کون لرده آرتیب کیتگن هوا ساووق لیگی سببلی حیاتی نی یوقاتگن لر سانی 70 نفر گه ییتدی. 

طالبان اوتکینچی حکومتی نینگ طبیعی آفت لر بوییچه وزیرلیگی, افغانستانده سونگّی 8 کونده هوا ساووق لیگی باعث 70 کیشی نینگ حیاتی نی یوقاتگن لیگی نی بیلدیردی. 

عاجل وضعیت عملیات لری مرکزی نینگ باشلیغی مولوی عبدالله محمدی, "آلینگن دستلبکی معلومات لر گه کوره, قار یاغگن لیگی و هوا ساووق لیگی سببلی بادغیس, غزنی, نیمروز, پکتیکا, هرات و فاریاب ده 70 کیشی حیاتی نی یوقاتدی" دییه قید ایتدی. 

محمدی, 70 مینگ حیوان نینگ هم تلف بولگن لیگی نی معلوم قیلدی. 

هرات ولایتیده کوچه لرده یشیاتگن 45 نفر معتاد نینگ موزلب اولگن لیگی بیلدیریلگن ایدی.