تورکیه افغانستانده یاردم ترقه تدی

افغانستانده بیر مینگ مستحق عایله گه تورکیه تامانیدن غذایی مواد ترقه تیلدی

1883368
تورکیه افغانستانده یاردم ترقه تدی

افغانستانده بشری یاردم لری نی دوام ایتتیریاتگن تورکیه جمهوریتی قیزیل یریم آی جمعیتی, افغانستانلیک بیر مینگ محتاج عایله گه غذایی مواد ترقه تدی. 

تورکیه جمهوریتی قیزیل یریم آی جمعیتی بیلن خلق ارا قیزیل صلیب و قیزیل آی اویوشمه لری فدراسیونی همکارلیگیده تامین ایتیلگن اوشبو غذایی مواد, پایتخت کابلده افغانستان قیزیل یریم جمعیتی تامانیدن مستحق عایله لر گه ترقه تیلدی. 

هر بیر عایله گه, 100 کیلوگرام لیک اون بیلن برنج دن تشقری, ایچیده یاغ, حبوبات, شکر و چای کبی غذایی مواد موجود بولگن 52 کیلوگرام لیک یاردم کارتن لری هم ترقه تیلدی. 

عینی دمده اوی مصرف لری تول عیال لر تامانیدن تامین ایتیلیاتگن باله لیک 150 عایله گه غذایی مواد دن تشقری 10 مینگ افغانی (تقریباً 110 دالر) نقدی یاردم هم ترقه تیلدی. 

بوندن تشقری, تورکیه دن افغانستان گه یوباریلگن "یخشی لیک ریل لری" یاردم لری نینگ هم ترقه تیلیشی پروسه سی دوام ایتماقده. 

اوشبو ریل لر بیلن آلیب باریلگن 7 مینگ تن دن آرتیق یاردم موادی, حاضرگی کون گه قدر مینگلب مستحق عایله گه ییتکزیب بیریلدی. 

افغانستان نینگ شرقی ولایت لریده 22- جون کونی یوز بیرگن 5,9 ریشترلیک زلزله عاقبتیده کمیده 1200 کیشی حیاتی نی یوقاترایکن, مینگلب کیشی ایسه یره لنگن ایدی. 

سونگّی آی لرده افغانستان نینگ شرقی ولایت لریده سوو تاشقین لری عاقبتیده ایسه یوزلب کیشی حیاتی نی یوقاتگن ایدی. 



علاقه لی ینگی لیکلر