طالبان - امریکا قوشمه ایالتلری باشقرووی اورته سیده اسیر المه شووی بولیب اوتدی

طالبان اوتیش دوری حکومتی تشقی ایشلر وزیرلیگی اورینباسری امیرخان متقی موضوع بوییچه بیانات بیردی

1881819
طالبان - امریکا قوشمه ایالتلری باشقرووی اورته سیده اسیر المه شووی بولیب اوتدی

امریکا قوشمه ایالتلری، طالبان نینگ قولیده قماقده بولگن بیر وطنداشی گه قرشی گوانتانامو قماقخانه سیده بولگن یوقاری مقام بیر طالبان ییتکچیسی نی افغانستان گه جونتدی.

طالبان اوتیش دوری حکومتی تشقی ایشلر وزیرلیگی اورینباسری امیرخان متقی، امریکا قوشمه ایالتلری تامانیدن آزاد ایتیلگن حاجی بشیر نورزی بیلن پایتخت کابل مشترک مطبوعاتی کنفرانس اویوشتیردی.

متقی نورزی نینگ آزاد ایتیلیشی گه قرشی امریکا قوشمه ایالتلری وطنداشی Mark Frerichs نینگ آزاد ایتگن لیکلرینی قید ایتدی.  

متقی، امریکا قوشمه ایالتلری بیلن طالبان اورته سیده بولیب اوتگن محکوم المه شووی نینگ ایککی اولکه اورته سیده گی مناسبتلرده ینگی صحیفه آچیشینی ایتدی و بعضی نرسه لرنینگ زوروانچیلیک ویا اوروش بیلن نتیجه بیرمسلیگینی تیلگه آلدی.

متقی برچه معمالرگه مذاکره آرقه لی ییچیم تاپیش نینگ ممکن ایکن لیگینی معلوم قیلیب امریکا قوشمه ایالتلری و متفقلری نینگ 20 ییل افغانستانده اوروشگن حالده یوتوق کیریته آلمه گن لیگینی شونده ی بولیب قرمه قرشی و معما موضوعلرنی هم مذاکره آرقه لی ییچیلیشی ممکن ایکن لیگینی افاده ایتدی.

نورزی ایسه، امریکا قوشمه ایالتلری بیلن طالبان اورته سیده بولیب اوتگن محکوم المه شووی نینگ ایککی اولکه اورته سیده تینچلیک که واسطه چی بوله جگینی اورغوله دی.

طالبان نینگ قورووچی ییتکچیسی ملا عمر بیلن قینلیگی بیلن تنیلگن حاجی بشیر نورزی، 2005 ییلی امریکا قوشمه ایالتلری گه 50 میلیون دالرلیک مخدره مواد قاچاقچیلیگی بیلن عیبلب نظارت گه آلینر ایکن 2009 ییلی نیویورکده گی بیر سود تامانیدن قماققه محکوم ایتیلگندی.

امریکالیک Mark Frerichs نینگ میلادی 2020 ییلی افغانستانده لادرک بولگن لیگی ادعا ایتلر ایکن طالبان گه یقین بیر گروپ تامانیدن قولگه آلینگن لیگی بیلدیریلگندی.



علاقه لی ینگی لیکلر