کابلده گی پارتلش حادثه سیده اونلب کیشی نینگ اولگن لیگی بیلدیریلدی

کابل امنیه قومندانلیگی سوزچیسی خالد زدران ایتیشیچه حادثه عاقبتیده 21 کیشی نینگ حیاتینی یوقاتگن 33 کیشی یره لنگن

1869588
کابلده گی پارتلش حادثه سیده اونلب کیشی نینگ اولگن لیگی بیلدیریلدی

افغانستان نینگ پایتختی کابلده توناون کونی شام نمازی وقتیده بیر مسجدده یوز بیرگن پارتلش حادثه سی عاقبتیده 21 کیشی نینگ حیاتینی یوقاتگن لیگی بیلدیریلدی.

طلوع تلویزیونی گه بیانات بیرگن کابل امنیه قومندانلیگی سوزچیسی خالد زدران، خیرخانه سر کوتل منطقه سیده جایلشگن صادقیه مسجدیده توناون کونی شام نمازی وقتیده گی پارتلش حادثه سیده روی بیرگن تلفات حقیده معلومات بیردی.

زدران، حادثه عاقبتیده 21 کیشی نینگ حیاتینی یوقاتگن لیگینی 33 کیشی نینگ ایسه یره لنگن لیگینی بیلدیردی.

اوشبو هجوم نینگ مسؤلیتینی حلی گچه هیچ کیم بوینی گه آلگن یوق.

طالبان سوزچیسی ذبیح الله مجاهد اوز تویتر آدرسیدن قویگن پوست آرقه لی حادثه نی قاره لر ایکن قول اورگنلرنینگ اینگ قیسقه مدتده تاپیب قولگه آله جکلرینی ایتگندی.

تورکیه تشقی ایشلر وزیرلیگی هم خوددی شو تروریستیک هجوم عاقبتیده حیاتینی یوقاتگنلر اوچون قیغوداشلیک بیلدیرگندی.  

 



علاقه لی ینگی لیکلر