افغانستانده طبیعی آفت حادثه لری یوز بیرماقده

اوشبو حادثه لر کوپراق افغانستان نینگ شرق تامانیده گی ولایتلرده یوز بیرگن

1869082
افغانستانده طبیعی آفت حادثه لری یوز بیرماقده

افغانستان نینگ شرق تامانیده گی ولایتلرده یوز بیرگن سیل فلاکتلریده بیر هفته ایچیده کمیده 90 کیشی حیاتینی یوقاتدی.

طالبان اوتیش دوری حکومتی طبیعی آفت بوییچه دولت وزیرلیگی سوزچیسی محمد نسیم حقانی، مطبوعاتگه بیرگن بیاناتده، افغانستان نینگ شرقیده جایلشگن 6 ولایتده سونگگی بیر هفته ده کوچلی سوو تاشقینلری نینگ یوز بیرگن لیگینی ایتدی.

حقانی، ننگرهار، پکتیا، خوست، لوگر، میدان وردک و پروان ولایتلریده یوزبیرگن یاغینگرچیلیکلرده تلفات یوز بیرگن لیگینی شونده ی بولیب سونگگی بیر هفته ایچیده کمیده 90 کیشی نینگ حیاتینی یوقاتگن لیگینی بیلدیردی.

حقانی، یوزلب اوی – جای و مینگلب جریب زراعت ییری گه زیان ییتگن لیگینی قید ایتگن حقانی آفتدن تاثیرلنگنلرگه خیمه و آذیق – اوقات یاردمی ییتکیزیب بیریلگن لیگینی افاده ایتدی.

آفتدن تاثیرلنگنلر ایسه بو یاردملرنینگ ییترسیز ایکن لیگینی ایتماقده.

وزیرلیک تامانیدن بیریلگن راپورلر نتیجه سیگه کوره، اولکه ده سونگگی 4 آیده یوز بیرگن سیل حادثه لری طفیلی 200 دن آرتیق کیشی حیاتینی یوقاتدی.

افغانستان هوا شناسلیک باشقرمه سی اینیقسه شرقی ولایتلر اوچون یاغینگرچیلیک و سیل بوییچه آگاهلنتیرماقده.

  



علاقه لی ینگی لیکلر