تورکیه افغانستان گه قیغوداشلیک بیلدیردی

اوشبو توغریده تورکیه جمهوریتی تشقی ایش لر وزیرلیگی تامانیدن بیانات بیریلدی

1846869
تورکیه افغانستان گه قیغوداشلیک بیلدیردی

تورکیه, افغانستان ده ییرقیمیرلش حادثه سی عاقبتیده یوزلب کیشی نینگ حیاتی نی یوقاتگن لیگی باعث قیغوداشلیک بیلدیردی. 

تورکیه جمهوریتی تشقی ایش لر وزیرلیگی تامانیدن بیریلگن بیاناتده, افسوس که افغانستان نینگ شرقیده و اینیقسه پکتیکا ولایتیده 5,9 ریشترلیک زلزله عاقبتیده کوپلب کیشی نینگ جان بیرگن لیگی و یره لنگن لیگی معلوم قیلیندی. 

افغانستان ده فعالیت لری نی دوام ایتتیریاتگن قیزیل یریم آی جمعیتی نینگ منطقه ده زلزله دن تاثیرلنگن کیشی لرگه یاردم ییتکزیب بیریش گه حرکت قیلیاتگن لیگی بیلدیریلگن بیاناتده, "تورکیه هردایم بولیب کیلگن لیگی دیک, زلزله دن تاثیرلنگن قرداش افغانستان خلقی گه هر خیل یاردم نی ییتکزیب بیریش گه تیار.  حیاتی نی یوقاتگن لر گه حق تعالی دن رحمت تیلرایکن, عایله لری و قرداش افغانستان خلقی گه قیغوداشلیک بیلدیریب, یره لنگن کیشی لر گه ایسه عاجل شفا تیلب قاله میز" دییه قید ایتیلدی. 

اوشبو ییر قیمیرلش حادثه سی عاقبتیده بیر مینگ دن آرتیق کیشی نینگ حیاتی نی یوقاتگن لیگی و بیر مینگ بیش یوز دن کوپ کیشی نینگ ایسه یره لنگن لیگی بیلدیریلگن ایدی. 



علاقه لی ینگی لیکلر