پکتیکا ولایتیده زلزله عاقبتیده بیر مینگ دن آرتیق کیشی حیاتی نی یوقاتدی

پکتیکا ولایتیده توناون کیچه یوز بیرگن 5,9 ریشترلیک ییرقیمیرلش (زلزله) حادثه سی عاقبتیده, آلینگن دستلبکی معلومات لر گه کوره, بیر مینگ دن آرتیق کیشی حیاتی نی یوقاتدی. 

امریکا قوشمه ایالت لری جیولوژیک تدقیقات لر اداره سی, زلرله نینگ 6,1 ریشتر ایکن لیگی نی بیلدیررایکن, کیین ایسه اوشبو ییر قیمیرلش حادثه سی نینگ 5,9 ریشترلیک ایکن لیگی معلوم قیلیندی. 

زلزله نینگ مرکزی نینگ افغانستان نینگ شرقیده, پاکستان چیگره سیده اورین آلگن خوست ولایتی نینگ 46 کیلومتر جنوبغربی ایکن لیگی بیلدیریلدی. 

محلی وقت بیلن ساعت 01.24 ده یوز بیرگن زلزله, کابل داخل, یقینده گی ولایت لردن تشقری, اسلام آباد و پشاور کبی شهر لرده هم حس ایتیلدی.