تورکیه تامانیدن افغانستانگه انسانی یاردم ییتکیزیب بیریلدی

تورک قیزیل آی جمغرمه سی افغانستان نینگ پایتختی کابلده 500 ته قشاق عایله گه یاردم ییتکیزیب بیردی.

افغانستان قیزیل آی جمغرمه سی مرکزیده اویوشتیریلگن مراسم گه تورکیه نینگ کابل بویوک ایلچیسی جهاد ایرگین آی و افغانستان قیزیل آی جمغرمه سی باشلیغی مولوی نورالدین ترابی قتنشدی.

مراسم نینگ آرتیدن 500 ته عایله گه آذیق – اوقات یاردم ایتیب بیریلدی.

هر عایله گه 5 کیلیوگرام سویوق یاغ، کمپل، کییم، حبوبات، چای، شکر، مکرونی، روب کبی 36 کیلوگرام محصولدن عبارت آذیق – اوقات پاکتی یاردم ایتیب بیریلدی.

تورکیه دن افغانستان گه ییتیب بارگن 4 ریل یاردم موادی خوددی شو مراسم آرقه لی بیریلگن یاردملر بیلن اداغگه ییتیب باردی.

تورکیه نینگ کابل بویوک ایلچیسی جهاد ایرگین آی 4 ته یخشیلیک ریلی نینگ توپلم 5 تن اطرافیده انسانی یاردم کیلتیرگن لیگینی بولرنی 34 ولایتده گی قشاق عایله لرگه بیریلگن لیگینی قید ایتدی.

شونده ی بولیب تورکیه و موسسه لری نینگ یاردملری نینگ دوام ایته جگینی افاده ایتگن ایرگین آی شولرنی ایتدی:

"بو یخشیلیک ریل آرقه لی کیلگن بشری یاردم توغریدن توغری 50 مینگ عایله گه ییتکیزیب بیریلدی. ینه بالواسطه ییتکیزیب بیریلگن اون مینگلب عایله بار. بو تورکیه و تورک خلقی نینگ افغانستان نی بیر پارچه اوله راق بوتونله ی قوچاقلب آلگن لیگینی کورستماقده دیر".

افغانستان قیزیل آی جمغرمه سی باشلیغی مولوی نورالدین ترابی هم اولکه ده یوز بیرگن اقتصادی بحران نینگ برچه گه چقور تاثیر قالدیرگن لیگینی معلوم قیلیب یاردملرنینگ دوام ایتیشی بوییچه تمنی قیلدی.

ترابی بو یاردملری باعث تورکیه و موسسه لریگه منتدارچیلیک بیلدیردی.