تورکیه نینگ افغانستان خلقی گه یاردم لری دوام ایتماقده

اوشبو توغریده تورکیه نینگ آفت و عاجل وضعیت لر اداره سی تامانیدن بیانات بیریلدی

1803717
تورکیه نینگ افغانستان خلقی گه یاردم لری دوام ایتماقده

تورکیه نینگ آفت و عاجل وضعیت لر اداره سی, افغانستان خلقی گه بشری یاردم تاشووچی تورتینچی "یخشی لیک ریلی" نینگ ایرته گه تورکیه دن افغانستان گه حرکت قیله دیگن لیگی نی بیلدیردی. 

آفت و عاجل وضعیت لر اداره سی, بیرلشگن ملتلر تشکیلاتی احصائیه لری گه کوره, افغانستانده 24,4 میلیون کیشی نینگ یاردم گه محتاج ایکن لیگی, 12 میلیون دن آرتیق باله نینگ ایسه غذایی مواد بوییچه قیین چیلیککه دوچ کیلیب قالگن لیگی نی بیلدیررایکن, تورک خلقی نینگ اوشبو وضعیت نی نظرده توتگن حالده افغانستان خلقی گه یاردم یوباریش فعالیت لری نی باشلتگن لیگی نی معلوم قیلدی. 

جمهوررئیس اردوغان نینگ بویروغی گه بناً آفت و عاجل وضعیت لر اداره سی نینگ تشبثی و نادولت تشکیلات لر نینگ حمایه سی بیلن باشله تیلگن "افغانستان یخشی لیک ریلی پروژه سی" دایره سیده جنوری و فبروری آی لریده 3 مراتبه افغانستان گه یاردم آلیب باریلگن لیگی بیلدیریلگن بیاناتده, توپلم 2 مینگ 663 تن بشری یاردم نینگ افغانستان گه یوباریلگن لیگی بیلدیریلدی. 

بیاناتده, ایرته گه حرکت قیله دیگن یخشی لیک ریلی بیلن ینه 1478 تن بشری یاردم نینگ افغانستان گه ییتکزیب بیریله دیگن لیگی معلوم قیلیندی. 

آلتمیش سکّیز کانتینر گه جایلشتیریلیب یوباریله دیگن خوددی شوو یاردم لرنینگ کییم, کمپل, ساغلیق و تمیزلیک موادی دن عبارت بوله دیگن لیگی بیلدیریلدی. 



علاقه لی ینگی لیکلر