افغانستانده گی مکتبلرده تعلیمی ییل باشله دی

افغانستانده ایرکک اوقیووچیلر اوچون بوتونله ی قیز اوقیووچیلر اوچون فقط ایلک مکتب سویه سیده تعلیم ییلی آچیلدی.

طالبان اوتیش دوری حکومتی نینگ معارف وزیرلیگی تامانیدن بیریلگن بیاناتده اولکه مقیاسیده برچه مکتبلرنینگ بوگوندن اعتباراً تعلیم بیریش گه باشله گن لیگی بیلدیریلدی.

قیز اوقیووچیلردن فقط ایلک مکتب سویه سیده گیلرنینگ مکتب گه باریشلری نینگ ممکن ایکن لیگی قید ایتیلگن بیاناتده اورته مکتب و لیسه لرنینگ ایککینچی بیر امرگچه آچیلمس لیگی معلوم قیلیندی.

بیاناتده اورته مکتب و لیسه دوره سی نینگ کییملری نینگ شریعت، افغانستان عنعنه لری و مدنیتی گه ماس تیارلنیشیدن کیین آچیله جگی قید ایتیلدی.

افغانستانده اورته و لیسه مکتبلریده 13-18 یاشلرده گی قیز و ایرکک باله لر ایریم مکتبلرده تعلیم آلماقده.

ینگی تور کروناویروس (کوید-19) کسل لیگی باعث تعلیم و تحصیل جریانی توخته لیب قالگندی. شونده ی بولیب طالبان نینگ باشقروونی قولگه آلیشی نینگ آرتیدن ایسه مکتبلر یاپیب قوییلگندی.

افغانستان مقیاسیده 16 مینگ اطرافیده مکتبده 9 میلیوندن آرتیق اوقیووچی تعلیم آلماقده.

بو اوقیووچیلرنینگ 40 فایزی قیز اوقیووچیلردن عبارت.

شونده ی بولیب قیز و ایرکک محصللر ایریم وقتلرده درس کوره دیگن شکلده دولت عالی بیلیم یورتلری فبروری آییده آچیلگندی.