ییر شفاکارلری اویوشمه سی افغانستانده مینگلب کیشی گه یاردم بیردی

ییر شفاکارلری اویوشمه سی افغانستانده ایجاد ایتیلگن ساغلم اوقاتلنیش مرکزلری و سیار گروهلری بیلن بیرگه لیکده اوتگن ییل مینگلب انسانگه یاردم ایتگن لیگی بیلدیریلدی.

ییر شفاکارلری اویوشمه سی تامانیدن بیریلگن بیاناتده بو اویوشمه 15 ته ساغلم اوقاتلنیش مرکزی و 11 ته سیار گروهی بیلن افغانستانده خذمت بیرگن لیگی خوددی شو اولکه ده آچلیک خطری گه دوچ قالگن 89 مینگ 318 ته آنه و باله نی ساغلم اوقاتلنیش بوییچه معاینه عملگه آشیرگن لیگی خبر بیریلدی.

12 مینگ 405 ته آنه و باله گه طبی اوقاتلنیش عملی قیلینر ایکن 1 مینگ 105 کیشی گه ایسه اساسی اوقاتلنیش سلامتلیگی تعلیمی بیریلدی.

خوددی شو اویوشمه اوتگن ییل دوامیده 10 مینگ 364 کیشی نینگ کوزینی داریله دی و 1500 کیشینی کوز کتارکت کسل لیگی عملیاتی قیلدی. شونده ی بولیب 1 مینگ 998 گه کوز عینکی بیردی.

آگست آییده اولکه ده یوز بیرگن انسانی بحرانده اساسی آذیق اوقات کم چیلیگی باعث 428 عایله گه آذیق – اوقات یاردم ییتکیزیب بیرگن اویوشمه رمضان آییده 800 عایله گه آذیق – اوقات یاردم ییتکیزیب بیردی.   

شونده ی بولیب 232 مینگ نفرگه قربان یاردمی بیریلگن و اولکه مقیاسیده 19 ته قودوق قازیب 3 مینگ 199 کیشی تازه - خوفسیز سوو بیلن تامینلندی.

ییر شفاکارلری اویوشمه سی پروزه باشقرووچیسی عایشه نور سری آلن، ییترلی آذیق – أوقات تامینلنمه گن لیگی اوچون اینیقسه باله، حامله خاتین و ایمیزیکلی آنه لرنینگ اولدیرووچی کسللیک که یولیققن لیگی گه دقت قره تدی.

دنیا آذیق – أوقات گروهی نینگ راپوریگه کوره افغانستانده 22 میلیون 800 مینگ کیشی نینگ کیینگی اوقاتگه نیمه ییشنی بیلمس لیگینی تاکییدله دی.

عایشه نور، بیرلشگن ملتلر تشکیلاتی باله لرگه یاردم فندی راپوریگه کوره ناتوغری اوقاتلنیش نتیجه سیده حیاتینی یوقاتیش خطریگه دوچ قالگن 3 میلیوندن آرتیق 5 یاشدن کیچیک باله موجود ایکن لیگینی ایتدی.