طالبان باشقرووی: امریکا قوشمه ایالتلری حلی هم سیاست و اقتصاد بوییچه افغانستان بیلن اوروشیب تورگن

افغانستانده طالبان باشقرووی امریکا قوشمه ایالتلری نینگ حلی هم سیاست و اقتصاد بوییچه افغانستان بیلن اوروشیب تورگن لیگینی بیلدیردی.

طالبان اوتیش دوری حکومتی تشقی ایشلر وزیرلیگی اورینباسری شیر محمد عباس ستانکزی پایتخت کابلده قتنشگن بیر پروگرامده امریکا قوشمه ایالتلری نینگ افغانستانده حربی اوله راق مغلوبیت گه اوچره گن لیگینی بیراق سیاست و اقتصاد بوییچه حلی هم اورشیب تورگن لیگینی ایتدی.

ستانکزی امریکا قوشمه ایالتلری نینگ أفغانستان نینگ ایچکی ایشلریگه اره لشمسلیگی کیره ک لیگینی تیلگه آلدی.

ستانکزی "امریکا قوشمه ایالتلری 2001 ییلی أفغانستان نی کوندوز کونی اشغال ایتیب آلدی بیراق بو اولکه نی ترک ایتیب قاچگونچه ساعت کیچه لب کیچقرون 00:00 ایدی" دیدی.

امریکا قوشمه ایالتلری تامانیدن أفغانستان ذخیره لری نینگ موزله تیلیشینی شفقتسیز بیر حرکت دیب اته گن ستانکزی بونینگ اولکه نینگ ایچکی ایشلریگه اره لش ایکن لیگینی قید ایتدی.

ستانکزی دنیانینگ أفغانستان گه قیلگن انسانی یاردملرنینگ ییترلی ایمس ایکن لیگینی و موجود قیینچیلیکلرنینگ فقط 1 فایزینی برطرف ایتیش گه قادر ایمس ایکن لیگینی اورغوله دی.

أفغانستان نینگ قوشنی لری بیلن تجارت قیلیشی اوچون چیگره لرینی آچیق توتیشلری کیره ک لیگینی تاکییدله گن ستانکزی افغانستانلیک لر اوچون ویزه نی آسان قیلیشلری کیره ک لیگی بوییچه چقیریق قیلدی.

ستانکزی "بیز، برچه اولکه لر بیلن یخشی مناسبت قورماقچی میز. بیراق دنیا اینیقسه امریکا قوشمه ایالتلری افغانستانده مستقل بیر حکومت قوریلیشینی خواهله مه یدی. شونده ی بولیب طالبان باشقرووی بیلن هم کیلیشووگه یقینلشمه یدی" دیب گپیردی.

ستانکزی طالبان اوتیش دوری حکومتی نینگ تورت آیدن بیری مستقل روشده فعالیت قیلیش گه دوام ایتگن لیگینی معلوم قیلیب بو مدت جریانیده طالبان کوچلری نینگ معاش آلمه ی خوفسیزلیک نی تامین ایتیب تورگن لیگینی و اولرنینگ تقدیرگه سزاوار ایکن لیگینی افاده ایتدی.

ستانکزی اولکه ده خاتین – قیزلرنینگ ایشلش و اوقیش گه حقی بولگن لیگینی بیراق أفغانستان مدنیتی نینگ غرب مدنیتیدن فرقلی ایکن لیگینی سوزلریگه علاوه ایتدی.

طالبان نینگ سپتامبر آییده اوتیش دوری حکومت قوریشیدن 4 آی بولگن حالده حلی گچه هیچ بیر اولکه طالبان حکومتینی رسمی روشده تن آلمه دی.

طالبان نی 1996 – 2001 ییلریده أفغانستان گه حاکم بولگن پیتده فقط پاکستان، سعودی عربستان و بیرلشگن عرب امیرلیکلری رسمی روشده تن آلگندی.