ننگرهار ولایتیده توقنه شوو یوز بیردی

ننگرهار ولایتیده طالبان کوچ لری بیلن ترور تشکیلاتی داعش ترورچی لری اورته سیده یوز بیرگن توقنه شووده 3 نفر ترورچی یوق قیلیندی. 

ننگرهارده گی طالبان مسئول لری, ولایت مرکزی بولگن جلال آباد شهریده ترور تشکیلاتی داعش گه قرشی عملیات اویوشتیریلگن لیگی نی بیلدیردی. 

عملیات جریانیده بیر اویگه کیریب آلگن داعش ترورچی لری بیلن طالبان کوچ لری اورته سیده بیر نیچه ساعت دوام ایتگن توقنه شوو یوز بیرگن لیگی نی بیلدیرگن مسئول لر, توقنه شووده 3 نفر ترورچی نینگ یوق قیلینگن لیگی نی معلوم قیلدی.

مسئول لر, توقنه شووده ترور تشکیلاتی داعش اعضاسی 2 نفر ترورچی نینگ ایسه یره لنگن لیگی نی بیلدیردی.

یره لنگن اوشبو کیشی لردن بیری نینگ ننگرهارده داعش نینگ مهم اعضالری دن بیری ایکن لیگی معلوم قیلیندی. 

عینی دمده توقنه شووده طالبان کوچ لری دن هم ایککی کیشی نینگ یره لنگن لیگی بیلدیریلدی.