کابل نینگ غربیده ایککی پارتلش حادثه سی یوز بیردی

حاضرچه اوشبو انفجار لرنینگ مسئولیتی نی هیچ بیر تامان اوز بوینی گه آلمه گن

1735299
کابل نینگ غربیده ایککی پارتلش حادثه سی یوز بیردی

پایتخت کابل نینگ غربیده گی ایککی فرقلی منطقه ده یوز بیرگن پارتلش حادثه لری عاقبتیده 2 کیشی حیاتی نی یوقاتدی. 

طالبان اوتکینچی حکومتی ایچکی ایش لر وزیرلیگی نینگ سوزچیسی سعید خوستی, کابل نینگ غربی ده گی دشت برچی منطقه سیده پارتلش یوز بیرگن لیگی نی معلوم قیلدی. 

خوستی, اوشبو حادثه ده عادی اهالی نی تشووچی بیر موتر نینگ هدف قیلیب آلینگن لیگی نی بیلدیردی. 

سعید خوستی, حادثه عاقبتیده بیر نفر نینگ حیاتی نی یوقاتگن لیگی و آلتی کیشی نینگ ایسه یره لنگن لیگی نی معلوم قیلدی.

عینی دمده خوستی یره لنگن لر آره سیده 3 عیال نینگ هم موجود ایکن لیگی نی بیلدیردی. 

شاهد لر ایسه اوشبو حادثه عاقبتیده 4 کیشی نینگ حیاتی نی یوقاتگن لیگی و 2 نفر نینگ یره لنگن لیگی نی ادعا ایتدی. 

باشقه بیر تاماندن ایسه طالبان منسوب لریدن بیری, دهبوری ده هم یوز بیرگن بیر پارتلش حادثه سی عاقبتیده 1 کیشی نینگ حیاتی نی یوقاتگن لیگی و 3 نفر نینگ یره لنگن لیگی نی معلوم قیلدی. 

حاضرچه اوشبو انفجار لرنینگ مسئولیتی نی هیچ بیر تامان اوز بوینی گه آلمه گن. 



علاقه لی ینگی لیکلر