افغانستانده باله لر آچلیکدن اولیم گه یوز توتماقده

اندراگاندی باله لر کسلخانه سی مسؤل دوکتورلریدن بیرته سی موضوع بوییچه بیانات بیردی

1719700
افغانستانده باله لر آچلیکدن اولیم گه یوز توتماقده

پایتخت کابلده اندراگاندی باله لر کسلخانه سیده آذیق – اوقات بولیمی مسؤلی دوکتور محمد امین شریفی قشاقلیک سببلی باله لرنینگ ییترلی درجه ده آذیقلنمه گن لیگینی وشونده ی بولیب اولکه مقیاسیده باله لر وضعیتی نینگ خطرده ایکن لیگینی ایتدی.

کسلخانه ده اونلب باله نینگ آذیق - اوقات تنقیصلیگی سبب بولگن کسللیکلردن دارلش گه دوام ایتیلگن لیگینی معلوم قیلگن شریفی "بو کسل لیک نینگ سببی خلق نینگ اقتصادی نینگ جوده یمان وضعیتده بولیشی دیر.  انسانلر باله لریگه قره یالمه یدی، ساغلم اوقاتلنه آلمه یدیلر" دیدی.

باله لرنینگ ییترلی درجه ده پروتین آله آلمه گن لیکلری اوچون اسهال و بونگه اوخشش کسللیکلرگه یولیققن لیکلرینی تیلگه آلیب شولرنی ایته دی:

"باله لرده آچلیک و ییترسیز اوقاتلنیش حالسیزلیک که سبب بولماقده" دیب ایتدی.

شریفی اولکه ده گی سیاسی برقرارسیزلیک باعث دولت اداره لری منسوبلری نینگ 4 آیدن بیری معاش آلالمه گن لیکلرینی معلوم قیلدی.   

"قیش نینگ ییتیب کیلیشی بیلن کسللیکلر کوپه ییب کیته دی. انسانلر معاش آلالمه یدی. ایشسیزلیک و قشاقلیک میزانی یوقاری کورستگیچ گه بارگن. خلق ارا همجمعیتلردن افغانستان خلقی گه یاردم کورستیشینی طلب قیله میز" دیب ایتدی.

اروپا بیرلیگی تشقی علاقه لر و خوفسیزلیک پولیتیکاسی فوق العاده نماینده سی جوزیپ بورل، دوشنبه کونی بیرگن بیاناتده "افغانستانده گی انسانی و اجتماعی – اقتصادی وضعیت یوق بولیش وضعیتیده. ناروی قاچقین کینگشی بیلدیریشیچه مناسب یاردم ییتکیزیب بیریلمه گن تقدیرده کمیده 1 میلیون باله ییتیب کیله دیگن قیش فصلیده ساووق و آچلیکدن اولیم گه یوز توته دی. بیز کوته آلمه یمیز. حرکت گه اوتیب تیزده حرکت قیلیشیمیز کیره ک" دیب افاده ایتدی.  



علاقه لی ینگی لیکلر