امریکادن بیر هیئات کابل قونلغه سی موضوعی بوییچه اوچره شیش اوچون تورکیه گه سفر قیلیب کیله دی

امریکا قوشمه ایالتلری مدافعه وزیرلیگیدن بیر گروپ تخنیکی هیئات افغانستانده گی کابل حامد کرزی خلق ارا قونلغه سی نینگ ایشله تیلیشیده گی تخنیکی موضوعلر بوییچه اوچره شیش اوچون تورکیه گه سفر قیلیب کیله دی.

اوشبو هیئات نینگ جاری هفته نینگ پنجشنبه کونی کیلیشیدن خبر بیریلدی.

تورکیه جمهوریتی ملی مدافعه وزیرلیگی منبعلریدن قولگه کیریتیلگن معلوماتگه کوره امریکا قوشمه ایالتلری مدافعه وزیرلیگیدن بیر گروپ تخنیکی هیئات نینگ افغانستانده گی کابل حامد کرزی خلق ارا قونلغه سی نینگ فعالیتی توغریسیده گی تخنیکی موضوعلر بوییچه اوچره شیش اوچون پنجشنبه کونی تورکیه گه سفر قیلیب کیلیشی کوتیله دی.

تورکیه ملی مدافعه وزیرلیگی ییتکچیلری بیلن اوچره شه دیگن اوشبو هیئات نینگ موضوعنی کینگ – کولملی تیلگه آلیشی ریجه لنماقده.

تورکیه ناتو قرارلی همکارلیک گروهی دایره سیده افغانستانده گی کابل حامد کرزی خلق ارا قونلغه سی نینگ ایشله تیش وظیفه سینی 6 ییلدن بیری آلیب بارماقده.