حمدالله محب: طالبان نینگ دولت گه قرشی اوروشیش بوییچه تیارگرلیک لری دوام ایتماقده

ملی خوفسیزلیک مصلحتیسی حمدالله محب, کابلده بیرگن بیاناتیده, "طالبان گروهی تینچلیک پروسه سی گه ایشانمه یدی و دولت گه قرشی اوروشیش بوییچه تیارگرلیک لری دوام ایتماقده.  باشقه بیر تاماندن ایسه خوفسیزلیک کوچلری گه هم طالبان نینگ اوروش نی باشله تیشی تقدیرده وطن نی مدافعه قیلیش بویروغی بیریلدی" دییه قید ایتدی.

عینی دمده محب, استانبول ییغیلیشی حقیده بیرگن بیاناتیده ایسه اوشبو ییغیلیش نینگ قچان بولیب اوته دیگن لیگی نینگ انیقلنمه گن لیگی نی ایسله تیب اوتدی. 

محب اوشبو توغریده مذاکره لرنینگ دوام ایتیاتگن لیگی نی معلوم قیلدی. 

انتقالی حکومت نینگ قوریلیشی بوییچه ایسه محب, "کابل تامانیدن طالبان گه هیچ قنده ی طرح بیریلگن ایمس.  بیراق جمهوررئیس محمد اشرف غنی وقتی دن آلدین سیلاو لر گه تیار. اوشبو موضوع نی آلدین هم ایتیب اوتگن ایدی" دییه قید ایتدی.