تخارده اونلب کیشی حیاتینی یوقاتدی

خوفسیزلیک کوچلری بیلن تروریست جنگریلری اورته سیده توقنه شوو یوز بیردی

1513301
تخارده اونلب کیشی حیاتینی یوقاتدی

افغانستان نینگ شمال – شرقیده جایلشگن تخار ولایتی نینگ خواجه غار و بهارک تومنلریده طالبان جنگریلری بیلن خوفسیزلیک کوچلری اورته سیده یوز بیرگن توقنه شووده 25 نفر خوفسیزلیک منسوبی حیاتینی یوقاتدی.

تخار والی لیگی سوزچیسی جواد هجری بهارک و خواجه غار تومنلریده خوفسیزلیک کوچلری بیلن تروریست جنگریلری اورته سیده همزمان توقنه شوو یوز بیرگن لیگینی ایتدی.

بو توقنه شوولر عاقبتیده 25 نفر خوفسیزلیک منسوبی نینگ حیاتینی یوقاتگن لیگینی معلوم قیلگن هجری 16 ته تروریست جنگری نینگ اولگن لیگینی بیلدیردی.

تخار کسلخانه سی باش طبیبی قیوم حیرت حادثه لرده 34 کیشی نینگ اولگن لیگینی ادعا ایتدی.

 تخار ولایتی نینگ امنیه قومندانی راز محمد دور اندیش، طالبان بیلن یوز بیرگن توقنه شوو عاقبتیده حیاتینی یوقاتدی.

تخار امنیه قومندانلیگی سوزچیسی خلیل اسیر مطبوعاتگه بیرگن بیاناتده توناون کیچه بهارک تومنیده طالبان جنگریلری بیلن خوفسیزلیک کوچلری اورته سیده توقنه شوو یوز بیرگن لیگینی ایتدی.

اسیر، بو توقنه شووده تخار امنیه قومندانی دور اندیش بیلن بیر قطار قوریقچیسی نینگ حیاتینی یوقاتگن لیگینی افاده ایتدی.

تروریست جنگریلرنینگ هم آغیر تلفات بیرگن لیگینی معلوم قیلگن اسیر منطقه گه قوشیمچه کوچ سوق ایتیلگن لیگینی قید ایتدی.   

باشقه تاماندن اولکه نینگ غربیده جایلشگن نیمروز ولایتی نینگ کنگ تومنیده اویوشتیریلگن هجوم عاقبتیده اولوسواللیک نینگ امنیه قومندانی بیلن بیر قطارده 11 ته پولیس حیاتینی یوقاتدی.

هجوملر نینگ مسؤلیتینی حلی گچه هیچ بیر شخص ویا گروه بوینی گه آلگن یوق.



علاقه لی ینگی لیکلر