افغانستانده تینچلیک اوچره شوولری توختب قالدی

قطرنینگ پایتختی دوحه ده دوام ایتیب باراتگن مذاکره لرده حلی گچه بیر کیلیشووگه باریلمه دی

1508328
افغانستانده تینچلیک اوچره شوولری توختب قالدی

قطرنینگ پایتختی دوحه ده دوام ایتیب باراتگن افغانستان هیئتی بیلن طالبان اورته سیده گی مذاکره لرده حلی گچه بیر کیلیشووگه باریلمه دی.

افغانستانده اوزاق ییللردن بیری دوام ایتیب تورگن اوروشنی اداغگه ییتیب باریشی مقصدی بیلن 12 سپتامبرده دوحه ده باشله گن افغانستان هیئتی بیلن طالبان اورته سیده گی مذاکره لرده بیر آی تولگن حالده حلی گچه بیر کیلیشووگه باریلمه دی.

افغانستان هیئتی بیلن طالبان اورته سیده گی بعضی بیر موضوعلرده حلی گچه بیر کیلیشووگه باریلمه گن لیگی اوچون مذاکره لر توخته تیب قوییلدی.

اوچره شوولرده طالبان هیئتی نینگ مذاکره ده یوز بیره دیگن معمالرنینگ حنفی مذهبی گه کوره ییچیم تاپیش نی تکلیف قیلیشی افغانستان هیئاتیده شیه مذهبی نماینده لری تامانیدن رد ایتیلدی.

طالبان هیئاتی امریکا قوشمه ایالتلری بیلن طالبان اورته سیده 29 فبروریده قول قوییلگن تینچلیک کیلیشووی نینگ اساسی کیلیشوو اوله راق قبول ایتیلیشینی خواهله یدی.

افغانستان هیئاتی ایسه افغانلر ارا مذاکره لرنینگ اولردن ایریم بیر مذاکره ایکن لیگینی معلوم قیلیب بو تکلیفینی رد ایتماقده.

ایککی تامان اورته سیده افغانلر ارا مذاکره لرنینگ قیسی شکلده آلیب باریله جگی و محتواسی توغریسیده 20 ماده لیک بیر لایحه تیارلندی.

بو لایحه ده اورین آلگن ایککی ماده دن تشقری برچه موضوعلر بوییچه کیلیشووگه باریلدی بیراق "مذهبی" و امریکا قوشمه ایالتلری بیلن طالبان هیئاتی اورته سیده قول قوییلگن تینچلیک کیلیشووی نینگ "اساسی کیلیشوو" اوله راق قبول ایتیلیشی موضوعلری بوییچه کیلیشماوسیزلیک یوز بیرگن لیگی باعث اوچره شوولر توخته تیب قوییلدی.

باشقه تاماندن اوچره شوولرنینگ قیته دن باشله شی و معما بولگن مسئله لرده قیته دن ییچیم تاپیلیشی بوییچه فعالیتلر آلیب باریلماقده.

افغانستان تینچلیک بوییچه دولت وزیرلیگی سوزچیسی ناجیه انوری، افغانستان هیئاتی نینگ معما بولگن موضوعلرگه ییچیم تاپیلیشی اوچون فعالیت آلیب بارتگن لیگینی ایتدی.

افغانستان هیئاتی نینگ بو ایککی ماده نینگ اورنیده طالبانگه الترناتیف تکلیفلر بیرگن لیگینی افاده ایتگن انوری، بو موضوع نینگ ییچیمی بیلن تیگیشلی طالباندن جواب کوتیب تورگن لیکلرینی بیلدیردی.  

 

 



علاقه لی ینگی لیکلر