محمد یوسف غضنفر حیات دن کوز یومدی
غضنفر کروناویروس سببلی حیات دن کوز یومگن
افغانستان جمهوررئیسی محمد اشرف غنی نینگ اقتصادنی رواجلنتیریش، تجارت و قشاقلیکنی کمه یتیریش بوییچه فوق العاده نماینده سی محمد یوسف غضنفر کرونا ویروس سببلی حیات دن کوز یومدی.
جمهوررئیس غنی اوشبو مناسبت بیلن قیغوداشلیک پیامی ترقتدی.
اوشبو پیامده, " روانشاد محمد یوسف غضنفر تقوادار، مهربان، حلیم، انسان دوست و ملی گرا بیر شخصیت اوله راق بیرلشگن افغانستانگه ایشانگن و اوز خلقی نینگ خیر و فلاح سی اوچون سعی و حرکت آلیب بارردی. اونینگ بی وقت عالمدن اوتیشی مملکت و توزوم اوچون ییریک بیر یوقاتیش بولدی. " دییه قید ایتیلدی.
تسلیت پیامی نینگ اداغیده ایسه, قوییده گی جمله لر گه اورین اجره تیلدی: " رحمتلی نینگ وفات ایتیشی مناسبتی بیلن عایله اعضاسی، دوستلری و بوتون افغانستان خلقیگه قیغوداشلیک بیلدیرگن حالده، رحمتلیگه الله دن بهشت بَرین و ایزیدن قالگنلریگه صبرو برداش طلب قیله من."
