خلیلزاد پاکستانگه منتدارچیلیک بیلدیردی
خلیلزاد پاکستان تشقی ایشلر وزیری شاه محمود قریشی و ییر کوچلری قومندانی قمر جاوید بجوا بیلن افغانستانده گی تینچلیک جریانی بوییچه پایتخت اسلام آبادده اوچره شگن
امریکا قوشمه ایالتلری افغانستان خاص نماینده سی زلمی خلیلزاد، افغانستانده گی توقنه شوولرنینگ اداغگه ییتکیزیش اوچون اورونیشلری باعث پاکستانگه منتدارچیلیک بیلدیردی.
امریکا قوشمه ایالتلری نینگ اسلام آباد بویوک ایلچیلیگیدن بیریلگن بیاناتده، خلیلزادنینگ پاکستان تشقی ایشلر وزیری شاه محمود قریشی و ییر کوچلری قومندانی قمر جاوید بجوا بیلن افغانستانده گی تینچلیک جریانی بوییچه پایتخت اسلام آبادده اوچره شگن لیگی بیلدیریلدی. خلیلزادنینگ افغانستانده گی توقنه شوولرنینگ اداغگه ییتکیزیش اوچون اورونیشلری باعث پاکستانگه منتدارچیلیک بیلدیرگن لیگی قید ایتیلدی. تامانلرنینگ قالگن معمالرگه تیزده ییچیم تاپیش نینگ اهمیتی گه اشاره ایتگن لیکلری اورغولندی.
پاکستان تشقی ایشلر وزیرلیگدن بیریلگن بیاناتده، قریشی نینگ اورته لریده مذاکره هیئاتی نینگ ایجاد ایتیلیشی و افغانلر آره سیده تینچلیک اوچره شوولری نینگ آلغه باریشی اوچون ملی فوق العاده کیلیشوو کینگشی نینگ قوریلگن لیگی باعث ممنونیتینی تیلگه آلگن لیگی معلوم قیلیندی.
مذکور بیاناتده، قریشی نینگ افغانلر ارا اوچره شوولرنینگ آلدی آچیلیشی اوچون محکوملرنینگ قوییب یوباریش جریانی نینگ یقین پیتده اداغگه ییتیب باره جگینی کوتگنینی قید ایتگن لیگی بیلدیریلدی.
امریکا قوشمه ایالتلری بیلن طالبان گروهی اورته سیده بولیب اوتگن کیلیشووگه بناً طالبان گروهی منسوبی 5 مینگدن آرتیق محکوم نینگ دولت تاماندن 1 مینگدن آرتیق اسیرنینگ افغانلر ارا مذاکره لرنینگ باشله شیدن آلدین قوییب یوباریلیشی شرط.
