افغانستانده منفجره مواد اورنه تیلگن موتر پارتلب کیتدی

افغانستان نینگ غزنی ولایتی نینگ ملی امنیت باشقرمه سی بناسی گه منفجره مواد اورنه تیلگن موتر آرقه لی هجوم اویوشتیریلیشی عاقبتیده 7 کیشی حیاتینی یوقاتدی.

غزنی والی لیگی سوزچیسی وحیدالله جمعه زاده، مطبوعاتگه بیرگن بیاناتیده، هجومچی نینگ منفجره مواد اورنه تیلگن موتر آرقه لی غزنی نینگ مرکزیده جایلشگن ملی امنیت باشقرمه سی بناسی گه هجوم اویوشتیرگنینی ایتدی.

جمعه زاده بو هجوم عاقبتیده 7 نفر استخبارتچی نینگ حیاتینی یوقاتگن لیگینی 4 ته سی نینگ ایسه یره لنگن لیگینی بیلدیردی.

یره لی لردن 8 ته سی نینگ وضعیتی نینگ آغیر ایکن لیگینی افاده ایتگن جمعه زاده، تلفات سانی نینگ کوپه یشیدن خواطرده ایکن لیکلرینی قید ایتدی.

هجوم نینگ مسؤلیتینی طالبان گروهی بوینی گه آلدی.