افغانستان قماقخانه لریدن 100 نفر طالبان گروهی محکوم آزاد ایتیلدی

بولرامریکا قوشمه ایالتلری بیلن طالبان اورته سیده آلیب باریلگن کیلیشووگه بناً آزاد ایتیلدی.

1394598
افغانستان قماقخانه لریدن 100 نفر طالبان گروهی محکوم آزاد ایتیلدی

امریکا قوشمه ایالتلری بیلن طالبان اورته سیده آلیب باریلگن کیلیشووگه بناً افغانستانده گی قماقخانه لردن 100 نفر طالبان گروهی منسوبی آزاد ایتیلدی.

افغانستان ملی خوفسیزلیک کینگشی سوزچیسی جاوید فیصل، امریکا قوشمه ایالتلری بیلن طالبان اورته سیده آلیب باریلگن کیلیشووگه بناً افغانستانده گی قماقخانه لردن 100 نفر طالبان گروهی منسوبی نینگ آزاد ایتیلگن لیگینی ایتدی.

بو محکوملرنینگ طالبان تامانیدن بیریلگن اسیر المه شووی رویخطیده آتلری نینگ اورین آلگن لیگینی افاده ایتگن فیصل، آزاد ایتیلگنلرنینگ کیملیک تیکشیروو تیزیمیدن اوتگن لیگینی و اوروشمسلیکلری بوییچه تعهدلری آلینگن لیگینی بیلدیردی.

فیصل افغانستان حکومتی نینگ تینچلیک جریانی نینگ آلغه باریشی اوچون طالبان گروهی بیلن مذاکره یولینی آچیب قویگن لیگینی قید ایتدی.

آزاد ایتیلگنلر آره سیده طالبان تامانیدن طلب قیلینگن 15 کیشی یوقاری سویه لی اداره چی نینگ اورین آلگن لیگی حقیده معلومات یوق.

باشقه تاماندن طالبان گروهی سوزچیسی ذبیح الله مجاهد، آزاد ایتیلگن جنگریلرنینگ اسیر المه شووی نینگ چوکاتیده ایمس ایکن لیگینی ادعا ایتدی.

مجاهد بو جنگریلرنینگ آتلری نینگ افغانستان حکومتی گه بیریلگن 5 مینگ کیشی لیک رویخطده موجود ایمس ایکن لیگینی قید ایتدی.

مجاهد، امریکا قوشمه ایالتلری بیلن بولیب اوتگن کیلیشوو چوکاتیده اسیر المه شووی نینگ عملی بولیشینی کوتگن لیکلرینی شونده ی بولیب کابلده گی طالبان گروهی هیئتی نینگ قیتیب بارگن لیگینی اورغوله دی.  



علاقه لی ینگی لیکلر