افغانستان ده طالبان گروهی نینگ هجومی عاقبتیده کوپلب کیشی جان بیردی

اوشبو حادثه کاپیسا ولایتیده یوز بیرگن

1384847
افغانستان ده طالبان گروهی نینگ هجومی عاقبتیده کوپلب کیشی جان بیردی

افغانستان نینگ کاپیسا ولایتی نینگ اله سای تومنی ده طالبان جنگری لری تامانیدن آتیلگن هاوان مرمی سی نینگ عادی اهالی نی تشووچی موتر گه اصابت ایتیشی عاقبتیده اوچ کیشی حیاتی نی یوقاتدی. 

کاپیسا ولایتی امنیه قوماندان لیگی نینگ سوزچیسی عبدالشایق شورش, اله سای تومنی ده طالبان جنگری لری تامانید آتیلگن هاوان مرمی سی نینگ یول دن اوتیاتگن بیر موتر گه اصابت ایتگن لیگی نی بیلدیردی. 

اوشبو حادثه عاقبتیده 3 نفر عادی اهالی نینگ جان بیرگن لیگی نی بیلدیرگن شورش, 2 باله نینگ ایسه یره لنگن لیگی نی ایسله تیب اوتدی. 

شورش, منطقه گه کیتیاتگن پولیس کوچ لری گه قره ته جنگری لر تامانیدن اویوشتیریلگن قوراللی هجوم عاقبتیده بیر پولیس نینگ حیاتی نی یوقاتگن لیگی نی معلوم قیلدی. 

حاضرچه طالبان گروهی ایسه اوشبو حادثه نینگ مسئولیتی نی اوز ذمه سیگه آلگن ایمس. 



علاقه لی ینگی لیکلر