زلمی خلیلزاد: طالبان گروهی افغانستانده گی خشونت سویه سینی توشیریشی کیره ک

امریکا قوشمه ایالتلری نینگ افغانستان خاص نماینده سی زلمی خلیلزاد طالبان گروهی نینگ افغانستانده گی خشونت سویه سینی جوده یوقاریده ایکن لیگینی و بونی توشیریشینی کوتگن لیکلرینی بیلدیردی.

خلیلزاد افغانستان حکومتی بیلن طالبان اورته سیده گی تینچ لیک مذاکره لری نینگ باشله شی اوچون ایککی تامان نماینده لری آره سیده باشلنغیچ اوچره شووی نینگ باشله شی کیره ک لیگینی اورغوله دی.

افغانستان حکومتی نینگ بو توغریده گی تیارگرلیکلری نینگ اداغگه ییتگن لیگینی بیلدیرگن خلیلزاد؛

"طالبان گروهی تامانیدن قول اوریلگن خشونت سویه سی جوده یوقاری سویه ده. طالبان گروهی منسوبی محکوملرنینگ بی ملال آزاد ایتیلیشی و تینچلیک جریانی نینگ باشله شی اوچون طالبان نینگ خشونت نی کمه یتیریشینی کوتماقده میز" دیدی.

محکوم طالبانلرنینگ طالبان تامانیدن بیریلگن رویخط گه قره ب آزاد ایتیله جگینی تاکییدله گن خلیلزاد، افغانستان حکومتی بیلن طالبان اورته سیده گی تینچ لیک مذاکره لری نینگ باشله شی اوچون ایککی تامان نماینده لری آره سیده گی باشلنغیچ اوچره شووی نینگ جوده اهمیتی بولگنینی اورغوله دی.   

جمهور باشلیغی اشرف غنی محکوم طالبانلرنینگ آزاد ایتیله جگینی بیلدیرگن ایدی.

14- مارچ 24 حوت شنبه کونیدن باشلب 1 مینگ 500 محکوم افغانلر ارا مذاکره لرنینگ باشله شی بیلن هر ایککی هفته ده 500 کیشی بولیب شو شکلده 3 مینگ 500 محکوم آزاد ایتیلیشی ریجه لنگندی.