جنرال عبدالرشید دوستم: ساخته رای لر بیلن سیلنه دیگن ینگی جمهور باشلیغینی قبول ایتمه یمیز

افغانستان جمهور باشلیغی بیرینچی اورینباسری جنرال عبدالرشید دوستم هوشدارلیک بیردی.

جنرال عبدالرشید دوستم: ساخته رای لر بیلن سیلنه دیگن ینگی جمهور باشلیغینی قبول ایتمه یمیز

افغانستان جمهور باشلیغی بیرینچی اورینباسری جنرال عبدالرشید دوستم، ساخته رای لر بیلن سیلنه دیگن ینگی جمهور باشلیغینی قبول ایتمس لیکلرینی بیلدیردی.

دوستم اولکه نینگ شمالیده جایلشگن جوزجان ولایتی شبرغان شهریده اویوشتیریلگن بویوک متفکر، سیاستچی و شاعر علی شیر نوایی و بویوک حکمدار ظهیرالدین محمد بابر شاه نی ایسلش پروگرامیده صحبت قیلدی. بو جایده گی صحبتیده هیچ کیم نینگ ساخته رای بیلن حکومت نینگ باشی گه کیلیشی گه رخصت بیرمسلیکلرینی ایتدی.

افغانستان خلقی قوللنگن رایلرگه صاحب چیقه جکلرینی تیلگه آلگن دوستم،

"ساخته رایلرنینگ نتیجه سینی اصلاً قبول قیلمه یمیز، اگر هرکیم ساخته رایلر بیلن اداره نی قولگه کیریتماقچی بولسه بیز هم موازی حکومت قوره میز" دیب ایتدی.

جنرال دوستم ترور گروهلری نینگ افغانستانده کوپه ییب بارگن فعالیتلری گه تماس قیلیب اوروش نینگ عاقبتی بولمه گنینی ایتدی.

امریکا قوشمه ایالتلری بیلن طالبان اورته سیده گی تینچلیک اوچره شوولرینی قولب – قوتله گن لیکلرینی بیلدیرگن دوستم، هرنرسه گه مذاکره آرقه لی ییچیم تاپیش نینگ ممکن ایکن لیگینی افاده ایتدی.

میزان آییده بولیب اوتگن جمهور رئیسلیک سیلاوی نینگ نتیجه سی حلی گچه نتیجه لر انیقلنمه دی.

افغانستان ایرکین سیلاو کمیسیونی باشلیغی هوا علم نورستانی ابتدائی نتیجه لرگه کوره اشرف غنی نینگ 50،64 فایز، اجرائیه باشلیغی داکتر عبدالله عبدالله نی 39،52 فایز و گلبدالدین حکمتیارنی 3،85 فایز رای آلگن لیگینی بیلدیرگندی.

انیق نتیجه لرنینگ اعلان قیلینیشی بیلن ینگی حکومت نینگ قوریلیشی اوچون فعالیتلر آلیب باریله دی.



علاقه لی ینگی لیکلر