طالبان گروهی بیلن یوز بیرگن توقنه شووده اونلب کیشی اولیب یره لندی
بیر قطار قشلاق طالبان گروهی نینگ قولیدن آلینگن.
1323845
افغانستان نینگ غور ولایتیده طالبان گروهی جنگریلری بیلن خوفسیزلیک کوچلری اورته سیده یوز بیرگن توقنه شووده اوچ کیشی خوفسیزلیک اعضاسی شهید بولدی.
غور والیسی غلام ناصر خاضع، مطبوعاتگه بیرگن بیاناتده، خوفسیزلیک کوچلری نینگ دولتیار تومنیده طالبان گروهی گه قره ته اویوشتیرگن عملیات جریانیده توقنه شوو یوز بیرگن لیگینی ایتدی.
بو توقنه شووده اوچ کیشی خوفسیزلیک منسوبی نینگ حیاتینی یوقاتگن لیگینی افاده ایتگن خاضع، عین دمده 9 نفر خوفسیزلیک منسوبی نینگ یره لنگن لیگینی بیلدیردی.
حاضع، بو توقنه شووده 23 کیشی جنگری نینگ اولدیریلگن لیگینی قید ایتدی.
والی حاضع، عملیات نتیجه سیده طالبان نینگ کنترولیده گی بیر قطار قشلاق نینگ تمیزلنگن لیگینی معلوم قیلدی.
موضوع بیلن تیگیشلی طالباندن حلی گچه بیر بیانات بیریلمه گن.
