مزار شریف شهریده انفجار حادثه سی یوز بیردی
بایسکل گه یاپیشتیریلگن بمب پارتلب کیتگن
1266587
بوگون (سه شنبه) ایرته لب افغانستان نینگ شمالیده جایلشگن بلخ ولایتی نینگ مرکزی بولگن مزار شریف شهریده انفجار حادثه سی یوز بیردی.
بلخ پولیسی بایسکل گه یاپیشتیریلگن بمب نینگ پارتلب کیتیشی نتیجه سیده یوز بیرگن اوشبو حادثه عاقبتیده بیر کیشی نینگ جان بیرگن لیگی و ایککی نفر نینگ ایسه یره لنگن لیگی نی بیلدیردی.
بیراق بلخ حوزوی کسلخانه سی تورت زخمی بیلن بیر جسد نینگ کسلخانه گه آلیب کیلینگن لیگی نی معلوم قیلدی.
خوددی شوو حادثه روضه مبارک دن تقریباً بیر کیلومتر مسافه ده گی بیر منطقه ده یوز بیرگن.
اوشبو حادثه عاشورا مراسمی اوچون مزار شریف ده قتتیق امنیتی تدبیر لر نینگ آلینگن حالده یوز بیرگن.
حاضرچه اوشبو حادثه نینگ مسئولیتی نی ایسه هیچ بیر تامان اوز ذمه سی گه آلگن ایمس.
