فاریاب ولایتیده توقنه شوو یوز بیردی
اوشبو توقنه شوو خوفسیزلیک کوچ لری بیلن طالبان جنگری لری اورته سیده یوز بیرگن
1220002
افغانستان شمالیده جایلشگن فاریاب ولایتی نینگ خواجه سبزپوش اولسواللیگیده طالبان جنگری لری بیلن خوفسیزلیک کوچ لری اورته سیده یوز بیرگن توقنه شوولر عاقبتیده ایککی کیشی هلاکت گه اوچره دی.
امنیتی مسئول لر, طالبان جنگری لری نینگ, خواجه سبزپوش اولسواللیگی نینگ مرکزی گه حمله قیلیشی آرتیدن توقنه شوو یوز بیرگن لیگی نی بیلدیردی.
اوشبو توقنه شوو جریانیده بیر هاوان مرمی سی نینگ بیر اوی گه کیلیب توشگن لیگی نی بیلدیرگن مسئول لر, خوددی شوو حادثه نینگ 2 نفر عادی اهالی نینگ اولیمی و 15 کیشی نینگ ایسه یره له نیشی گه سبب بولگن لیگی نی معلوم قیلدی.
مسئول لر, اوشبو هاوان مرمی سی نینگ طالبان جنگری لری تامانیدن آتیلگن لیگی نی بیلدیردی.
خوددی شوو حادثه بیلن علاقه لی طالبان تامانیدن ایسه حاضرچه هیچ قنده ی بیر بیانات بیریلگن ایمس.
