کابل ده گی انفجار بیلن تیگیشلی ینگی معلوماتلر ییتیب کیلدی

بوگون پایتخت کابل و قندهارده انفجار یوز بیردی

1207843
کابل ده گی انفجار بیلن تیگیشلی ینگی معلوماتلر ییتیب کیلدی

افغانستان نینگ پیاتختی کابلده گی بیر مسجدده جمعه نمازی جریانیده یوز بیرگن پارتلش حادثه سیده 3 کیشی نینگ اولگن لیگی 32 کیشی نینگ یره لنگن لیگی بیلدیریلدی.

کابل امنیه قومندانلیگی سوزچیسی فردوس فرامرز، انادولو آژانسی گه بیرگن بیاناتیده، کابل کابل نینگ سرک نو منطقه سیده جایلشگن التقوا مسجدی نینگ محرابیده جایلشتیریلگن منفجره موادی نینگ جمعه نمازی جریانیده پارتلب کیتگنینی بیلدیردی.

 حادثه ده مسجدنینگ ملا امامی مولوی سمیع الله ریحان نینگ اولگن لیگینی 32 کیشی نینگ یره لنگن لیگینی ایتدی.

یره لی لرنینگ بعضی لری نینگ وضعیتی آغیر ایکن لیگی قید ایتیلدی.

فرامرز دین عالمی ریحان نینگ تلویزیون پروگراملریده "ترورچیلیک هجوملری گه مخالف ایکن لیگینی" ایتگن لیگی اوچون هدف آلینگنی ممکن ایکن لیگینی تیلگه آلدی.

اوشبو هجوم نینگ مسؤلیتینی حلی گچه بیر گروه بوینی گه آلگن ایمس.

باشقه تاماندن مملکت نینگ جنوبیده جایلشگن قندهار ولایتیده منفجره مواد اورنه تیلگن موتر آرقه لی اویوشتیریلگن هجوم عاقبتیده 10 کیشی یره لندی.

قندهار امنیه آمری تادین خان، مطبوعات گه بیرگن بیاناتیده، مذکور هجوم نینگ عینو مینه منطقه سیده اویوشتیریلگن لیگینی بیلدیردی.

تادین خان اوشبو هجومده 6 ته سی باله توپلم 10 کیشی نینگ یره لنگن لیگینی معلوم قیلدی.

اوشبو هجوم نینگ مسؤلیتینی حلی گچه بیر گروه بوینی گه آلگن ایمس.



علاقه لی ینگی لیکلر