کابل ده انفجار حادثه سی یوز بیردی
اوشبو حادثه عاقبتیده کوپلب کیشی یره لندی
افغانستان پایتختی کابل ده خارجی بیر موسسه نینگ دفتری گه قره ته اویوشتیریلگن هجوم عاقبتیده آلینگن ایلک معلومات لر گه کوره 9 کیشی یره دار بولدی.
افغانستان ایچکی ایشلر وزیرلیگی سوزچیسی نصرت رحیمی, شهر نو منطقه سیده "کانترپارت" اسمی گه ایگه خارجی بیر موسسه نینگ دفتری گه قره ته انتحاری هجوم اویوشتیریلگن لیگی نی معلوم قیلدی.
رحیمی, انفجار آرتیدن جنگری لرنینگ بنا نینگ ایچی گه کیریب آلگن لیک لری نی معلوم قیلرایکن, شونده ی قیلیب توقنه شوو باشله گن لیگی نی بیلدیردی.
عینی دمده رحیمی, حادثه محللی گه قوشیمچه کوچ جونه تیلگن لیگی نی معلوم قیلدی.
افغانستان ساغلیق نی سقلش وزیرلیگی ایسه آلینگن ایلک معلومات لرگه کوره اوشبو حادثه عاقبتیده 9 کیشی نینگ یره لنگن لیگی نی بیلدیردی.
انفجار حادثه سی عاقبتیده تیگره کده گی اوی لر و دوکان لرنینگ شیشه لری سینرایکن, یول هم یاپیلدی.
اوشبو حمله نینگ مسئولیتی نی طالبان اوز بوینی گه آلدی.
طالبان امریکایی بیر موسسه نی هدف قیلیب آلگن لیک لری نی بیلدیردی.
