افغانستانده قوریلگن تینچلیک کیلیشوو کینگشی هیئتی جمهور باشلیغی اشرف غنی بیلن اوچرشوو اوتکزدی

افغانستانده طالبان گروهی بیلن اوچره شوولرنی آلیب بارووچی تینچ لیک کیلیشوو کینگشی قوریلدی.

جمهور رئیس لیک تامانیدن بیریلگن بیاناتده، سیاسیلر و حزبلردن عبارت تینچ لیک کیلیشوو کینگشی نینگ قوریلگن لیگی بیلدیریلدی.

مذکور بیاناتده، بو شورانینگ طالبان نماینده لری بیلن تینچ لیک کیلیشوونی آلیب باره جکلری قید ایتیلدی.

سابق جمهور باشلیغی حامد کرزی هم اورین آلگن تینچلیک کیلیشوو کینگشی هیئتی، جمهور باشلیغی اشرف غنی بیلن اوچره شدی.

تینچلیک کیلیشوو کینگشیدن بیریلگن بیاناتده، اوشبو کینگش هیئتی نینگ 19-21 اپریل کونلری قطرده طالبان گروهی نماینده لری بیلن اوچره شه جکلری بیلدیریلدی.

بو اوچره شووده افغانستان نینگ "قیزیل خط" حساسیت لری مطرح بوله دیگن لیگی تذکر بیریلگن بیاناتده، شورا تامانیدن طالبان گروهی گه تقدیم ایتیله دیگن قیزیل خط موضوعلری نینگ افغانستان اسلامی جمهوریتی تیزیمی نینگ قوریقلنیشی، سیلاونینگ اوتکزیلیشی، موجود اساسی قانون، خاتین – قیزلر حق-حقوقلری و مطبوعات (سوز) ایرکین لیگیدن عبارت ایکن لیگی اورغولندی.  

طالبان گروهی ایسه اوز هیئتلری نینگ قطرده افغانستان حکومتیدن نماینده لیک قیلووچی هیچ کیم بیلن اوچره شمس لیکلرینی بیراق افغانستان سیاسی لری بیلن یکه مه یکه اوچره شیش لری نینگ ممکن ایکن لیگینی بیلدیرگن ایدی.