پاکستانده افغانستان موضوعسی بوییچه اوچره شوولر بولیب اوتماقده

پاکستان زمینی کوچلر قومندانی قمر جاوید باجوا، افغانستانده تینچ لیک نینگ اورنه تیلیشی نینگ منطقه اوچون حیاتی اهمیت گه ایگه ایکنینی ایتدی.

پاکستان اردوسی تامکانیدن بیریلگن بیاناتده، امریکا قوشمه ایالتلری مرکز کوچلر (CENTCOM) قومندانی جوزیف ووتل و همراهیده گی هیئت پاکستان نینگ راول پندی شهریده گی زمینی کوچلر قرارگاهیده پاکستان اردوسی نینگ مسؤللری بیلن اوچره شدی.

مذکور اوچره شووده، ایککی مملکت اورته سیده گی عسکری مناسبت، ستراتیژیک موضوعلر قاله ویرسه منطقوی خوفسیزلیک کبی موضوعلر قولگه آلیندی.

باجوا، بو اوچره شووده " افغانستانده تینچ لیک نینگ اورنه تیلیشی نینگ منطقه اوچون حیاتی اهمیت گه ایگه" دیب ایتدی.

باجوا عین دمده، منطقه ده تینچ لیک نینگ اورنه تیلیشی اوچون پاکستان اردوسی نینگ قولیدن کیلگننی ایه مس لیگینی ایتدی.

باشقه تاماندن امریکالیک سناتور لیندزی گراهام Lindsay Graham هم پاکستانده اوچره شوولر اوتکزدی.

پاکستان باش وزیری عمرانخان و تشقی ایشلر وزیری شاه محمود قریشی بیلن اوچره شگن گراهام نینگ سفری بیلن تیگیشلی تشقی ایشلر وزیرلیگی تامانیدن بیر یازمه بیانات بیریلدی.

اوشبو بیاناتده، پاکستان نینگ افغانستانده تینچ لیک نینگ اورنه تیلیشی اوچون آتگن ادیملر، کشمیرده گی حادثه لر و هندوستان بیلن مناسبتلر بوییچه گراهام گه معلومات بیریلگن.

گراهام افغانستان موضوعسی بوییچه آتیلگن آدیملر باعث پاکستاننی قوتله گن. بو موضوع نینگ ترامپ اداره سی تامانیدن هم اولویت گه قرار بیرگن لیگینی اورغوله گن.

ووتل و گراهام سفرلری بو هفته جریانیده امریکا قوشمه ایالتلریدن پاکستانگه اویوشتیریلگن اوچونچی سفر بولدی.

بو ایکاویدن آلدین امریکا قوشمه ایالتلری افغانستان بوییچه خاص نماینده سی زلمی خلیلزاد هم پاکستانگه سفر قیلیب بارگن ایدی.

وظیفه گه باشله گن سپتامبر اییدن بیری پاکستان گه 5 مرته سفر قیلیب بارگن و خلیلزاد اوچره شوولریگه دوام ایتیب بارماقده.